Ngjela: Ja ku qëndron loja e arrestimit të Spiro Kserës

Publikuar tek: politike, më 17:08 31-01-2016 Ngjela: Ja ku qëndron loja e arrestimit të Spiro Kserës

Avokat Spartak Ngjela ka komentuar arrestimin e ish-ministrit të Mirëqënies Sociale, Spiro Ksera për shpërdorim detyre dhe vjedhje, duke falsifikuar aktivitete që nuk ishin realizuar kurrë.

Me titull “E arrestoi Berisha një ministrin e vet”, Ngjela shprehet se të gjithë vjedhësit janë identifikuar e para Reformës në Drejtësi i mbetet vetëm që të pendohen.

“E arrestoi Berisha një ministrin e vet...

E arrestuan ministrin e Saliut, Ksera. Komedi. Gjithçka vjen dhe ecën për të shpëtuar Saliun. A e mbani mend sesa shpesh e vizitohej ministria e Kserës nga gruaja e Saliut? Por pushteti gjyqësor është i Saliut; edhe Prokuroria gjithashtu. Atëherë, çfarë po ndodh: mos filloi Saliu të godasë vetveten? E pamundur. Çështja është që t'i dilet përpara reformës në drejtësi për të thënë se filloi Reforma Antikorrupsion. Po Ksera? Ai nuk di si të veprojë. Në fakt duhet të bëhet pentito, domethënë i penduar. Por, a e lënë prokurorët aktuale? Jo. Këtu qëndron loja: paratë i ka marrë vetëm Ksera. Por mitingjet dhe aktivitetet fals që ka bërë ministria e Kserës, kanë qenë aktivitete të Partisë Demokratike. Atëherë? Natyrisht, Ksera duhet të jetë i vetëm, pa lidhje në taborin e Saliut...prandaj duhet të hetohet para se të vijë "batica", domethënë, Reforma në Drejtësi. Por, sipas kësaj logjike, duhet të ketë edhe të tjerë ministra bashkëpunëtorë në vjedhje me Saliun. Patjetër që po. Sepse ata nuk duhet të bëhen të penduar. Ky është sekreti.

Ja, kjo është gjendja shqiptare, kur FMN nuk ia dha sot paratë Qeverisë Shqiptare. Sepse ajo nuk e ka bërë dot Reformën në Drejtësi. Por qeveria Rama nuk do kete para as për rrogat. Drejtoju popullit Rama.!..nuk ke pushtet pa drejtësi, nëse di të mendosh politikisht për gjendjen... Sepse, ne shtator të vitit 2013 Rama e quajti qeverisjen një dalje përgjah me Metën dhe me Koçon, kur unë i thashe që "pa Reformën në Drejtësi je i rrëzuar", si edhe Nanoja.

Ja pra...kjo eshte gjendja. Por Reforma do bëhet, e kupton apo jo Rama....dhe e do apo jo Saliu. Vjedhësit janë të gjithë të identifikuar... E vetmja rrugë e zbutur e tyre duhet të jetë PENDIMI. Dënimi I tyre është i pashmangshëm.”

Sondazh

Më shumë në këtë kategori: « Disa vende të cilat duhet t’i vizitoni patjetër në Tiranë (Video)
Këshilltari i Presidentit kujton djegien e shtëpisë së Kadaresë dhe rrugën drejt restaurimit »
Article Logic
Execution time: 0.029232978820801
array(1) { ["section"]=> string(60) "ngjela-ja-ku-qendron-loja-e-arrestimit-te-spiro-kseres-31414" }