Nishani mesazh ngushëllimi familjes Gjeta: Lajm i rëndë për të gjithë shqiptarët

Publikuar tek: politike, më 11:14 04-10-2015 Nishani mesazh ngushëllimi familjes Gjeta: Lajm i rëndë për të gjithë shqiptarët

Presidenti i Republikës, Bujar Nishani ka shprehur ngushëllimet për rënien në krye të detyrës të komandantit të FNSH-së në Shkodër, Simon Gjeta. Në mesazhin dërguar familjarëve të komandantit, Presidenti Nishani thekson se vrasja e tij në krye të detyrës është një lajm tejet i rëndë për të gjithë shqiptarët.

Presidenti u bën thirrje Policisë së Shtetit dhe organeve ligjzbatuese që të punojnë pareshtur pavarësisht nga ngjarja e rëndë dhe tronditëse, në luftën e tyre të përditshme kundër krimit.

“Të dashur anëtarë të familjes Gjeta!

Lajmi i rëndë për ndarjen e parakohshme dhe tragjike nga jeta të komandantit të FNSH-së në Shkodër, duke rënë në krye të detyrës, është tejet i rëndë jo vetëm për ju, por edhe për të gjithë shqiptarët. Në këto momente të dhimbshme, më lejoni që në emrin tim dhe të familjes sime si dhe të mbarë qytetarëve shqiptarë, t’ju përcjell ngushëllimet më të sinqerta për humbjen e pazëvendësueshme të bashkëshortit dhe babait të dashur, Simonit tuaj të shtrenjtë.

Në cilësinë e Kreut të Shtetit duke dënuar ashpërsisht aktin gjakatar, u bëj thirrje Policisë së Shtetit dhe organeve ligjzbatuese që të punojnë pareshtur pavarësisht nga ngjarja e rëndë dhe tronditëse, në luftën e tyre të përditshme kundër krimit. Prehu në paqe të përjetshme Komandant Simoni”, përfundon mesazhi i kreut të shtetit.

Sondazh

Më shumë në këtë kategori: « Sokol Balla: Përse nuk mund të gjykohet Ilir Meta
Asfaltohet sheshi gjigand para “Qemal Stafës”, Veliaj: Çdo Lek do shkojë për më shumë parqe dhe pemë »
Article Logic
Execution time: 0.020179986953735
array(1) { ["section"]=> string(85) "nishani-mesazh-ngushellimi-familjes-gjeta-lajm-i-rende-per-te-gjithe-shqiptaret-22304" }