Një fletë nga ditari i Lasgushit për Nafijen: Fjetmë pa bashkim trupor! Puthmë dhe këtu theshte, dhe atje...

Publikuar tek: kulture-art, më 11:37 10-03-2018 Një fletë nga ditari i Lasgushit për Nafijen: Fjetmë pa bashkim trupor! Puthmë dhe këtu theshte, dhe atje...

Kjo është një fletë nga ditari i Lasgushit të madh, lirikut pogradecar, aq të veçantë e të dashur për lexuesit.

Këto copëza të rralla përjetimesh me bashëshorten e tij Nafijen, të Lasgush Poradecit na i sjell e bija, Marie Poradeci. Përshkrimi është aq i sinqertë e real, sa çdo koment tjetër do ia prishte bukurinë ndaj po ju lemë t’i lexoni si më poshtë:

Tiranë, e Djelë 2 Korrik 1939:

Ora 8.5’, mëngjes u nisa për Durrës, ora 9.30’ vajta ne Nafija. Pas drekës ora 2 u shtriva në shtrat (larg dritares), Nafija më ndjenji mbanë shtratit, pastaj ra në shtrat me mua (më të djathtën t’ime) dhe u pushtuam ashtu një hof: unë i-a hodha krahun nënë qafë, ajo e futi kokën në gjirin t’im; kur u sgjuam e mora nër kraha, i-a skuqa faqkat së puthuri dhe lëpiri gushën, sytë me 100 përkëdhelje. Më 6-8 baritmë anës detit përkrah. Në shtrat më lëçiti 3 vjersha të saj, pas darkës fjeti në shtratin t’im, u sgjuam më 11 para mesnatës, biseduam pak, pastaj fjetmë.

Më 6 korrik, E Enten, më 7.30’ të mëngjesit ardhi Nafija në dhomën t’ime. Më shkrojti: “shpirtin t’ënd” = “Nafijen”, “shpirti im” = “Lasgushi”. Më 3 u nismë, më 4.10’ harimë në Durrës.

Më 5,40’ filluam, më 6.10’ mbaruam celebrimin e martesës në Bashki. Kur u kthyem në shtëpi të Nafijes i vura në gisht unaskën me brilant prej floriri të bardhë. Natën 6 dyke u gëdhirë më 7 Nafija m’a futi dorën në gji. I vura byzylykun prej ari. Desha t’i-a fut edhe unë dorën, nuk më la, u zemërova. passi shkoj të flerë, ardhi 5 herë në dhomën t’ime që të më pajtojë, më në fund ardhi fjetmë bashkë, më 3 pas mesnate më tha se kish turp prandaj s’ma la dorën. Fjetmë pa bashkim trupor.

Më 7 Korrik, të Premten, ora 1.30’-4.30’, u shtrimë në shtrat bashkë, pa bashkim trupor. E zhveshi gjirin me turp të math. Gjiri i saj një parajsë vajzërore, mezi ka zënë të fryhet, cickat s’kanë maja. U përkëdhelëm me 1000 mënyra: “Puthmë dhe këtu” theshte, “edhe këtu”; “bëmë një vurratë këtu (në llërën lart) dhe këtu, edhe një, edhe një. Ora 5.30. qau, qava.

Më 7 Korrik, ora 8.30’ baritmë, ndenjmë në lulishte. Më 6 Korrik ora 6.30-9.30 ndenjmë në lulishte. Më 7 Korrik natën dyke u gdhirë më 8 fjetmë bashkë, me bashkim trupor, pa bashkim virgjëror. Nafija përkëdheleshe shumë, çuditesha për të gjitha, s’dinte, e mora prej shtratit në divan, vura llambën, në këtë natë sbathi me turp të math dhe breçkat: trupi i saj një bukuri për t’u çmëndur, i bie erë shumë të mirë, u puthmë, gojë e trup me 1000 mënyra. Më tre pas mesnate, u sgjuam dhe u përkëdhelëm (të zhveshur) me 1000 mënyra. Më ora 6 fjetmë pak të lodhur.

Sondazh

Më shumë në këtë kategori: « Biznesmeni i fuqishëm SHPALLET në kërkim ndërkombëtar
Ndahet nga jeta 'Mandela' i SPAÇIT, i burgosuri politik që ngriti FLAMURIN në burgun famëkeq »
Article Logic
Execution time: 0.0044169425964355
array(1) { ["section"]=> string(109) "nje-flete-nga-ditari-i-lasgushit-per-nafijen-fjetme-pa-bashkim-trupor-puthme-dhe-ketu-theshte-dhe-atje-112811" }