Padi penale ndaj Bashës, Tahiri: Përdori lëndë kimike më 21 janar

Publikuar tek: politike, më 18:38 09-04-2015 Padi penale ndaj Bashës, Tahiri: Përdori lëndë kimike më 21 janar

Ministri i Brendshëm Saimir Tahiri ka deklaruar se Shërbimi për Çështjet e Brendshme ka dorëzuar sot një padi penale ndaj ish-ministrit të Brendshëm aktualisht kreu i PD-së, Lulzim Basha për ngjarjet e ndodhura në 21 janar të vitit 2011.

Tahiri ka paraqitur disa të dhëna të reja në lidhje me ngjarjet e kësaj datë, ku ndër të tjera është edhe urdhri që sipas ministrit të Brendshëm ka dhënë në atë datë Basha për të përdorur lëndë kimike ndaj protestuesve përpara Kryeministrisë.

“Pas një inspektimi në Gardën Shqipërisë u gjet në librin e këtij institucioni flasifikime nga ministri i Brendshëm i kohës dhe punonjësit e gardës, për të cilët shpresoj së do të shkojnë së bashku përpara drejtësisë. Në faqen e fletës numër 129 të datës 21 janar 2012 është flasifikuar  një urdhër i dhënë nga Lulzim Basha për hedhjen e lëndëve lakrimogjene me helikopter mbi protestuesit te piramida, duke e ndryshuar atë”, tha Tahiri.

Tahiri tha se në librin e Gardës së Republikës vetëm në datën 21 janar të 2013 ka ndërhyrje për flasifikim të tij, ndërsa në datat e tjera nuk ka ndërhyrje, ndërsa theksoi se për ngjarjet e kësaj dite duhet të ketë me patjetër përgjegjës.

Ish-kryeministri Sali Berisha duke iu përgjigjur akuzave të ministrit Tahiri tha se për shkresën e Gardës Republikës, Tahiri duhet të drejtohet për të ish-kryeprokurorja e Përgjithshme Ina Rama.

“Secili je ti fatmirësisht të njohin shumë, një i droguar, që u more me kontrabandë familjarisht, ke një seri lidhjesh droge dhe je dënuar për një seri shpifjesh. Për sa i përket shkresës shko te Ina Rama të tregon historikun e shkresës ashtu siç është. Përsa i përkët citimeve të mafies nuk është çudi se je pjesë e saj. Shko te Ina Rama, të tregon ajo ty, ta tregon mire. Citon mafien, je pjesë e saj, je këmbë e kokë i mafies dhe kontrabandës. Për sa i përket helikopterit, këta e kanë në gjak këtë punë. Në vitin 1999 këta më hoqën mua imunitetin, me akuzën se prokurori i tyre nxori një shishe ‘pepsi-kola’ dhe tha se Berisha donte të helmonte popullatën. Tani kanë gjet helikopterin për të akuzuar Lulzim Bashën. Ti je një ministër rendi që takohet me vrasësin dhe me eksponentin kryesot të ‘Malavita-s’.” – ka thënë Berisha.

Fjala e Tahirit në Kuvend:

Por doja të çohesha këtu, të bëja me dije Kuvendin për një padi që ka depozituar sot Shërbimi për Çështjet e Brendshme dhe Ankesat e qytetarëve, ku pas një inspektimi në Gardën e Republikës së Shqipërisë, mbi procedurat dhe dokumentacionin e mbajtur, para, gjatë dhe pas ngjarjeve të 21 janarit 2011 dhe ku u administruan të gjithë dokumentacionet, lidhur me veprimet që ka kryer Garda, u gjet që ka falsifikim dhe urdhra të kundërligjshëm nga Ministri i asaj kohe i Brendshëm dhe nga punonjësit e Gardës, të cilët, shpresoj, do shkojnë të përgjigjen para drejtësisë, së bashku me ish-Ministrin e Brendshëm!

Dhe konkretisht, nga këqyrja e Librit të marrjes në dorëzim të shërbimit, nr. 19/04, në faqen e fletës nr. 129, të datës 21 janar 2011, rezulton i pasqyruar me shënim, nga operatori i shërbimit, një urdhër i dhënë nga Ministri i Brendshëm, Lulzim Basha, ora 16:28, me përmbajtjen, citoj: “Komunikoni me Gjeneralin dhe të ngrihet helikopteri dhe të hedhë lëndë lakrimogjene mbi demostruesit tek Piramida”.

Kjo frazë është e korrigjuar, e tillë! Pra, e falsifikuar.

Para korrigjimit ka qenë shkruar: “Komunikoni me Gjeneralin dhe të ngrihet helikopteri dhe të hedhë lëndë homogjene mbi demostruesit tek Piramida”.

Gjithashtu, në faqen e dytë të Librit të Shërbimit, në faqen 128, datë 21 janar 2011, rezulton i pasqyruar nw librin e shërbimit, shënimi i mëposhtëm: “Urdhërdhënësi, Gjenerali – (gjenerali është ai që pastaj doli me syrin e nxirë...  e mban mend, ti që nuk ngre as kokën tani!) – Gjenerali, ora 14:54, urdhri, - asnjë lloj zjarri pa zbatuar ligjin kundër demostruesve”.

Rezulton me sy të lirë, por që pritet të konfirmohet nga analizat dhe hetimi i Prokurorisë që edhe kjo frazë është e korrigjuar me mbishkrim. Dhe para korrigjimit kjo frazë ka qenë e shkruar: “Asnjë lloj zjarri pa dhënë urdhër” dhe më pas kësaj fraze i është shtuar: “Kundër demostruesve, pa zbatuar ligjin”.

Në të dy shënimet e sipërcituara, të dokumentuara dhe pasqyruara në librin e marrjes në dorëzim, duket me sy të lirë që ka ndërhyrje dhe korrigjime të dukshme korrigjimet e fjalëve “pa zbatuar ligjin” dhe “kundër demostruesve” në rastin e urdhrit e dhënë nga Gjenerali dhe zëvendësimin e fjalës “homogjene” me “lakrimogjene” në urdhrin e dhënë nga Ministri i Brendshëm.

Po kështu rezulton nga këqyrja se vetëm në datën 21 Janar në këtë Libër, ka ndërhyrje dhe falsifikim të urdhrave të shënuar dhe në asnjë datë tjetër nuk ka korrigjim apo falsifikim të urdhrave.

Në këto kushte Shërbimi për Çështjet e Brendshme, pranë Ministrisë së Punëve të Brendshme ka depozituar sot kallëzimin penal për shtetasin Lulzim Basha në atë kohë Ministër i Brendshëm, me akuzën e “Shpërdorimit të detyrës” të parashikuar nga neni 248 i Kodit Penal, i cili ka dhënë një urdhër haptazi të kundra-ligjshëm pasi nuk është kurrkund në kompetencën e Ministrit, drejtimi operacional dhe aq më tepër përdorimi i lëndëve kimike ndaj protestuesve, dhe gjithashtu falsifikimi i dokumentacionit parashikuar nga neni 186 i Kodit Penal për Operatorin e Gardës me detyrë Specialist i Qendrës së Drejtimit në Gardën e Republikës, i cili ka rezultuar si personi përgjegjës për pasqyrimin e komunikimit dhe urdhrave me radio dhe telefon në librin e marrjes në dorëzim të shërbimit në 21 Janar të vitit 2011.

Kjo është padia e depozituar sot nga Shërbimi për Çështjet e Brendshme në Ministrinë e Punëve të Brendshme, për një Ministër që rezulton se ka dhënë urdhër që të ngrihet helikopteri dhe të hedhë lëndë kimike ndaj protestuesve në 21 Janar.

Unë nuk e di se si mund të ketë ndodhur dhe nuk di as ç’shpjegim do të ketë Lulzim Basha për këtë, por shpresoj shumë që të mos përdorë procedurën për t’iu shmangur këtij hetimi.

Madje unë nuk di, nëse është edhe kjo arsyeja pse ju nuk latë prokuror pa sharë dhe pa fyer gjatë kësaj kohe përveç disave.

Shpresoj të mos jetë kjo arsyeja, frika pse do ju dalin të palarat dhe do vijë dita të përgjigjeni, që shani dhe hidhni llum akuzash ndaj disa prokurorëve, por kurseni disa të tjerë.

Por një gjë e di të sigurt, për detyrën që mbaj sot, siç e di fort mirë ligjin që ka qenë në fuqi dhe ligjin e ri, se Ministri i Punëve të Brendshme në asnjë rast, në asnjë rrethanë, në asnjë ligj, nuk i lejohet të japë urdhra operacionalë si ky që ka ndodhur në 21 janar kur Lulzim Basha ka ngritur telefonin dhe ka dhënë një urdhër të shënuar në librat e Gardës, urdhër sipas të cilit duhet të ngrihet helikopteri dhe të hidhen lëndë kimike sipër protestuesve.

E imagjinoj që ky mund të ketë qenë urdhri juaj si ish-Kryeministër, por megjithatë shpresoj kjo të sqarohet nga hetimet.

Ajo ishte një ngjarje tragjike (dhe pak ka për të qeshur zonjë), por një gjë mund t’ju siguroj, se ky nuk është moment as për t’u tallur e as për të anashkaluar drejtësinë dhe unë shpresoj që Prokuroria, këtij hetimi t’i shkojë deri në fund, sepse për 21 janarin duhet të ketë patjetër përgjegjës për 4 jetët e humbura.

Unë nuk dua të them këtu që meqë Luzim Basha ka dhënë urdhrin për t’u ngritur helikopteri dhe t’i hidhej qytetarëve, demostruesve, lëndë kimike, është po i njëjti që ka dhënë urdhër për t’u qëlluar e për t’u vrarë katër protestues, por shpresoj shumë që këtë ta nxjerrin hetimet, ashtu si shpresoj shumë që mos të bëni karagjozin, pavarësisht se e kuptoj që këtë të zgërdhirën e keni mënyrë për t’u përballuar me përgjegjësinë, por duhet të bëheni qytetarë të mirë si ju takon të jeni, dhe mbi të gjitha qytetarë të përgjegjshëm dhe të shkoni të përballeni me drejtësinë, ashtu si ju takon.

Faturën përpara drejtësisë, do e marrin të gjithë një ditë.

Sondazh

Më shumë në këtë kategori: « Zyrtarizimi i kandidatëve të PS, Peleshi: Në Korçë Sotiraq Filo, Gëzim Topçiu në Maliq
Zyrtarizimi i kandidatëve, Braçe: Në Fier Armando Subashi, për Lushnjen Fatos Tushe »
Article Logic
Execution time: 0.16977500915527
array(1) { ["section"]=> string(68) "padi-penale-ndaj-bashes-tahiri-perdori-lende-kimike-me-21-janar-8293" }