Panariti: Të rishikohen dhe të rinegociohen kuotat e peshkimit të vitit 2004

Publikuar tek: ekonomi, më 13:36 10-03-2017 Panariti: Të rishikohen dhe të rinegociohen kuotat e peshkimit të vitit 2004

Ministri i Bujqësisë, Zhvillimit Rural dhe Administrimit të Ujrave, Edmond Panariti i shoqëruar edhe nga dy prej sipërmarrësve më të rëndësishëm të industrisë së përpunimit të peshkut, Gjergj Luca dhe Helidon Rruga, filloi bisedimet me përfaqësues të Bashkimit Evropian për të kërkuar rritjen e kuotave të përpunimit të specieve të vogla pelagjike, veçanërisht aciugeve, sardeleve etj, për të plotësuar kapacitetet përpunuese të industrisë shqiptare të përpunimit të peshkut.

Shqiperia ka industrinë më të madhe të përpunimit të peshkut në Evropen Qëndrore dhe Lindore, e cila puneson mijëra punonjës. Për këtë qëllim, Ministri Panariti u takua në Itali me Presidentin e Komisionit të Bujqësisë të Parlamentit Evropian, Paolo de Castro. Ministri Panariti, pasi e njohu De Castro me investimet e mëdha të kryera në zgjerimin e kapaciteteve përpunuese industriale të peshkut në Shqipëri, i kërkoi atij të rinegociohen kuotat e përpunimit të peshkut në Shqipëri, per ti dyfishuar ato.

Ministri Panariti u shpreh se ka ardhur koha të rishikohen kuotat e negociuara në vitin 2004 dhe të dyfishohen ato në përgjigje të rritjes së madhe të kapaciteteve përpunuese të peshkut. “Kjo, theksoi Panariti, do të dyfishonte të ardhurat dhe punesimin në sektor dhe do të nxiste investime të mëtejeshme”. Ndërsa De Castro e siguroi ministrin Panariti, për angazhimin e tij të plotë të rinegocimit të kuotave dhe e informoi Ministrin shqiptar të Bujqësisë, për rrugën që duhet ndjekur. 

Vitet e fundit, industria e përpunimit të peshkut është zgjeruar me ritme të shpejta duke shfrytëzuar krahun e lirë të punës. Por, kuotat vjetore të eksportit që Bashkimi Europian i lejon Shqipërisë plotësohen brenda pak muajsh. Aktualisht në këtë industri minimalisht mund të jenë të punësuar 5 mijë vetë.

Sondazh

Article Logic
Execution time: 0.052831172943115
array(1) { ["section"]=> string(81) "panariti-te-rishikohen-dhe-te-rinegociohen-kuotat-e-peshkimit-te-vitit-2004-71435" }