PD e konsideron ditën e sotme të zezë për median dhe lirinë e fjalës

Publikuar tek: politike, më 21:02 04-09-2015 PD e konsideron ditën e sotme të zezë për median dhe lirinë e fjalës

Zëdhënësja e Partisë Demokratike, Orjela Nebiaj e ka konsideruar ditën e sotme të zezë për median dhe lirinë e fjalës për shkak të “bllokimit përmes kërcënimeve dhe presionit ndaj gazetarëve të News 24, intervistën e paralajmëruar ku oficeri i lartë i anti-drogës, Dritan Zagani, dëshmon me zë dhe me figurë me fakte dhe prova lidhjet e Saimir Tahirit me narkotrafikantët e hashashit, heroinës e kokainës në Shqipëri”.

Deklarata e plotë e PD-së:

Edi Rama dhe Saimir Tahiri kanë dhunuar sot median, duke bllokuar përmes kërcënimeve dhe presionit ndaj gazetarëve të news 24, intervistën e paralajmëruar ku oficeri i lartë i anti-drogës, Dritan Zagani, dëshmon me zë dhe me figurë me fakte dhe prova lidhjet e Saimir Tahirit me narkotrafikantët e hashashit, heroinës e kokainës në Shqipëri.

Partia Demokratike e dënon këtë ndërhyrje kriminale të Edi Ramës dhe Saimir Tahirit, kundër medias dhe gazetarëve në vend.

Kërcënimi dhe mbyllja e gojës së medias nga qeveria, nga kryeministri dhe ministri i brendshëm është një atentat ndaj demokracisë, ndaj krejt shoqërisë tonë.

Kjo është një ditë e zezë për median dhe lirinë e fjalës.

Këto janë pasojat e inkriminimit, e ortakërisë së qeverisë me krimin. Për interesat e bandave të drogës, dhe protektorit të këtyre bandave, Saimir Tahiri, Edi Rama kërcënon median, ushtron presion ndaj medias, i mbyll gojën medias.

Kjo është Mafia. Ky është krimi i veshur me pushtet dhe pushteti i veshur me krim. Rama-Tahiri-Habilaj dhe gjithë bandat e drogës që kërkcënojnë median, vënë poshtë median, dhunojnë lirinë e shprehjes.

Partia Demokratike i bën thirrje ambasadorëve të Bashkimit Europian në Tiranë, Këshillit të Europës, OSBE-së, Shteteve të Bashkuara të Amerikës, të mbajnë qëndrimet e tyre për këtë krim ndaj lirisë së shprehjes.

Ne i bëjmë thirrje mediave dhe gazetarëve të vendit të ngrihen sëbashku dhe të refuzojnë, e të denoncojnë presionin dhe censurën e kësaj qeverie mafioze.

Ne i inkurajojmë ata ta pasqyrojnë intervistën e ndaluar.

Këto janë grahmat e fundit të një regjimi të lidhur me krimin, sepse e vërteta do të triumfojë.

Partia Demokratike zotohet para qytetarëve shqiptarëve se brenda 24 orëve të ardhëshme do t’i transmetojë të plota dëshmitë tronditëse, me zë e me figure, të pjesëve të intervistës së ndaluar sot.

Ne së bashku me qytetarët e partnerët ndërkombëtare, shoqërinë civile, mediat dhe gazetarët e lirë nuk do të lejojmë kurrë që liria e shprehjes dhe e mendimit, liria e medias, të dhunohen dhe nëpërkëmben nga Edi Rama, Saimir Tahiri dhe krimi i bërë një me ta.

Sondazh

Më shumë në këtë kategori: « Veliaj e ndjek ndeshjen e Shqipërisë nga Kavaja së bashku me Rroshin
Rama: Danezët të fortë? Inati shqiptar bëri mrekullinë »
Article Logic
Execution time: 0.02025318145752
array(1) { ["section"]=> string(74) "pd-e-konsideron-diten-e-sotme-te-zeze-per-median-dhe-lirine-e-fjales-19986" }