PD: Qeveria të ulë me 14% çmimin e energjisë

Publikuar tek: politike, më 17:36 27-02-2015 PD: Qeveria të ulë me 14% çmimin e energjisë

Partia Demokratike ka kërkuar nga qeveria që të ulë me 14% çmimin e energjisë elektrike, ashtu siç kishte premtuar në fushatë.

PD ka kërkuar të anullohen menjëherë faturat abuzive, si dhe të falen kamatvonesat.

“Eshtë shumë arrogante dhe cinike që Ministri i Energjitikës dhe Drejtori i OSHEE të flasin për skema lehtësuese. Edi Rama, Ministri dhe Drejtori i OSHEE janë krijuesit, organizuesit e zbatuesit e skemës shkatërrimtare energjitike për qytetarët e familjarët, duke i ngarkuar ata me fatura abuzive, duke i vendosur gjoba mbi këto fatura, duke mos dëgjuar ankesat e tyre, duke i rrjepur deri në qindarkën e fundit, duke i burgosur, dhe shpesh duke i shtyrë në akte dëshpërimi vetvrasjeje”, thuhet në deklaratën e PD-së.

Opozita është shprehur se skema e lehtësimit, është e kundërta e represionit që është duke aplikuar qeveria.

“Ka vetëm një skemë lehtësuese për qytetarët. Të ulet cmimi i energjisë elektrike me të paktën 14%, aq sa premtoi Edi Rama në fushatë. Të anullohen menjëherë faturat abuzive.  Të shqyrtohen menjëherë ankesat e qytetarëve. Të falen kamatvonesat. Të faturohen në mënyrë të rregullt mbi bazën e konsumit. Vetëm kjo skemë merr parasysh realitetin dhe shqetësimet e qytetarëve. Të tjerat janë fjalë dhe vetëm fjalë. Qytetarët e ngritën zërin me 22 nëntor, në protestën më masive të viteve të fundit.  Ata kërkojnë zgjidhje. Nëse zgjidhja nuk vjen, qytetarët do të mblidhen edhe më të shumtë, edhe më të vendosur në protestë popullore”, ishte deklarata PD-së.

Sondazh

Më shumë në këtë kategori: « Doda kundër Kokëdhimës: Qesharak lobimi yt. Kokëdhima: Kanabisi kuron sëmundje
“Bllokuar nga Edi Rama”, në vend të bulevardit një banderolë »
Article Logic
Execution time: 0.091928958892822
array(1) { ["section"]=> string(47) "pd-qeveria-te-ule-me-14-cmimin-e-energjise-4609" }