PD reagon për shpërblimet: Qeveria tallet me pensionistët, u jep qindarka si lëmoshë

Publikuar tek: politike, më 14:39 29-12-2015 PD reagon për shpërblimet: Qeveria tallet me pensionistët, u jep qindarka si lëmoshë

Partia Demokratike ka reaguar pas statusit të kryeministrit Edi Rama në Facebook lidhur me shpërblimet e fundvitit për disa kategori. PD e duan një tallje me pensionistët dhe të gjitha ato familje që jetojnë në mjerim, shpërblimin e qeverisë:

“Shqetësimi ynë është për ato mijëra familje që do ta kalojnë natën e ndërrimit të viteve në varfëri dhe mjerim si pasojë e politikave tua të mbrapshta.

Shqetësimi ynë është se tallesh me pensionistët duke u dhënë si lemoshë ca qindarka ndërkohë që ti dhe hajdutët e tu në qeveri vetëm këtë vit keni vjedh nga tatimet dhe doganat 400 milionë dollarë.

Shqetësimi ynë është se tallesh duke u dhënë ca qindarka lëmoshe më të pamundurve ndërsa ti dhe hajdutët e tjerë keni vjedhur vetëm në një vit nga tenderat plot 777 milionë euro.

Shqetësimi ynë janë ato 2500 familje apo ata 10 mijë qytetarë që s’kanë me çfarë të mbyllin muajin e jo më të mendojnë për darkën e viti te ri sepse i ke hequr nga pagesa e ndihmës ekonomike gjatë periudhës korrik- shtator 2015.

Shqetësimi ynë janë ata 73 mijë kryefamiljarë qe arroganca jote i nxori në rrugë vetëm në dy muaj.

Shqetësimi ynë janë ato familje që do ta kalojnë vitin e ri nën dritën e qirinjve sepse s’kanë mundësi të paguajnë faturat e rritura dhe abuzive të energjisë elektrike me të cilat do të mbushet gropa prej 600 milionë eurosh e aferës CEZ.

Shqetësimi ynë është për qytetarët shqiptarë që nuk do gëzojnë dot siç duan femijët e tyre sepse duhet të paguajnë taksat që shtohen, çmimet që rriten për të mbuluar vjedhjen prej 1.2 miliardë eurosh që u keni bërë parave të shqiptarëve

Nuk mund të tallesh më me qytetaret  të cilët ditë për ditë i vjedh, i mashtron, i burgos, i dhunon, i shtyn drejt flijimit e sot i shkel në dinjitetin e tyre duke u hedhur ca qindarka lemoshë sikur janë lypsarë.”

Sondazh

Më shumë në këtë kategori: « Manjani “dush të ftohtë” kancelarëve të gjykatave: Ka të tjerë që presin t’ua zënë vendin, pastrojini ato dhoma
IML: Foshnja nuk ka vdekur nga i ftohti. Manjani kërkon përshpejtim të hetimeve »
Article Logic
Execution time: 0.013293027877808
array(1) { ["section"]=> string(88) "pd-reagon-per-shperblimet-qeveria-tallet-me-pensionistet-u-jep-qindarka-si-lemoshe-28796" }