Përplasja/ Erion Braçe akuzoi ashpër ministrin e LSI, merr këtë përgjigje

Publikuar tek: politike, më 15:48 17-02-2016 Përplasja/ Erion Braçe akuzoi ashpër ministrin  e LSI, merr këtë përgjigje

Deputeti socialist i Divjakës, Erjon Braçe, ka sulmuar ashpër Ministrinë e Bujqësisë që drejtohet nga Edmond Panaritit i LSI, duke e akuzuar se drejtohet nga njerëz të paaftë që, sipas Braçes, po shkatërrojnë me qëllim ndërmarrjen më të rëndësishme bujqësore në zonën e Lushnjes.

“Ndërmarrja më e mirë në vend po shkatërrohet përfundimisht! Ka një grusht njerëzish në Ministrinë e Bujqësisë,  sa të paditur, sa të paaftë, sa abuzues, sa të ligj, por shumë të qartë në qëllime banale partie, që janë të angazhuar çdo ditë të shkatërrojnë. Në dy vite nuk na dhanë asnjë fond për të kryer investime, zero;  rreth e rrotull nesh, aty ku u mbytën e u thanë, madje dhe aty ku nuk prodhohet e as eksportohet, kanë shpërndarë miliona; Në dy vite nuk na dhanë asnjë fond për të investuar në tre hidrovore të rrënuar plotësisht; pavarësisht kësaj ne i mbajtëm në punë e shpëtuam fushat. Në dy vite nuk na shtuan një njeri të vetëm në punë; edhe pse qartësisht për çdo mjet në punë duhet të kishte dy manovratorë”, shkruante Braçe.

Por i menjëhershëm është edhe reagimi i ministrit Panariti që në përgjigjen ndaj akuzave, shkruan se ky është një sqarim, duke bërë një bilanc të asaj që është Ministria e Bujqësisë sot.

“Kjo është ministria e Bujësisë sot.

Dyfishim i eksporteve të perimeve dhe frutave, në rrethin e Lushnjës. Mbi 60 milion dollarë me shumë të ardhura për fermerët dhe ekonominë kombëtare, në krahasim me një vit me parë.
Le të përpiqemi sëbashku Erjon që të gjejmë një vit në historinë e këtij vendi ku prodhimi bujqësor dhe eksportet të kenë njohur një kërcim të tillë. Është e kotë... Nuk ka...!!
Sigurisht që ka vend për më shume dhe ti dhe unë e dimë këtë. Prandaj nuk do të lodhemi së enduri në fusha, sera, kanale, argjinatura, diga dhe hidrovore për të mbrojtur dhe zhvilluar bujqësine aty. Herën e fundit që u pamë, ishim te dy mes ujërave në majë të argjinaturës së çare të Shkumbinit.
Vlerësoj falënderimin tënd ndaj qeverisë turke për eskavatorin modern krahëgjatë, më të mirin e flotës tonë për bordin e kullimit të Lushnjës, por dëshiroj të kujtoj vetëm një detaje, ai eskavator erdhi në Lushnjë, falë insistimit tim deri në bezdi ndaj mikut tim ministrit turk të bujqësisë, në zyrën e tij .Natyrisht nuk priste puna për formulim kërkëse, marrëveshje, nënshkrime protokollare e mënyra ceremoniale që zakonisht mbetën sirtareve, sepse kanalet duheshin hapur që të kullonte uji dhe ky eskavator për fat mberriti në kohë rekord dhe e bëri punën.
Bie dakord me ty, që këtë vit Lushnja u mbrojt dhe u vadit më shumë se asnjëherë më parë. Por kjo nuk është vepër e një grushti njerëzish, por e sforcove të mundimshme dhe sakrificave për të bërë më të mirën, si dhe fondeve për mirëmbajtje që nuk munguan. Ky vit pritet të jetë viti i investimeve më të medha në ujitje falë fondeve të Bankës Botërore, ku pjesën më të madhe i kalon i kalon Lushnjes.
Nga shpenzimet e planifikuara per vitin 2015, prej 510 milion leke gjithesej per ujitjen dhe kullimin, Bordit te Kullimit Lushnje i jane dhene 59 milion leke ose rreth 12% te totlait te shpenzimeve”, thotë në reagimin e tin Panariti duke shtuar:


“Gjithashtu gjate vitit 2015, Bordit te Kullimit Lushnje i jane shtuar edhe 10 milion leke te tjera per shpenzime te energjise elektrike
Me Projektin e Bankes Boterore gjate vitit 2015 ka perfunduar rehabilitimi i rezervuarit te Thanes me vlere rreth 318 milion leke, ndersa gjate vitit 2016 do te filloi rehabilitimi i dy degeve kryesore me rezervuarin e Thanes (Dega Krutje dhe Terbuf) si dhe skema ujitese e Divjakes me vlere totale rreth 20 milion USD.
Ne lidhje me shpenzimet per mirembajtje, ne kuader te ristrukturimit te bordeve te kullimit aktiviteti mirembajtjes do te realizohet nga Bordi Rajonal i Kullimit Fier, per te cilin per vitin 2016 jane parashikuar 110 milion lek.
Po keshtu, nga buxheti qendror Bashkise Lushnje dhe Divjake i eshte planifikuar blerja e disa ekskavatoreve dhe shpenzime operative per pastrimin e kanaleve ujites dhe kullues.
Reforma në sistemin e kullimit dhe vaditjes, tashme i kalon pushtetit vendor shumë përgjegjësi. Ky proces zhvendosjeje nuk është i lehtë për të gjithë ne dhe kërkon një farë kohë.
Unë po bëj të pamundurën për të zbutur stresin e këtij transformimi gjigand dhe sidomos po kujdesem personalisht që profesionistët të gjejnë vendine tyre brenda sistemit.
Sigursisht që janë edhë bashkitë ato që duhet të administrojnëme kritere profesionale mbi 200 punëtore e specialistë që kalojnë nën administrimin e tyre.
Së fundi , kërkohen me shume fonde dhe prandaj asnjëherë nuk kthehem nga vizitat e rralla jashtë vendit duar bosh, sepse nuk kemi para mjaftueshëm dhe këtë e dimë të dy. Prandaj o vij nga Kopenhageni me 13 milion euro , ndihmë dhe asistencë për zhvillimin e bujqësisë në zonat kodrinore dhe malore, o kthehem nga Brukseli me paketë financimi prej 71 milion euro për bujqësine, o vij nga Roma me 500 mijë euro për kultivimin e duhanit, o kthehem nga Stambolli me një eskavator 300 mijë euro në xhep e me radhë”, përmbyll Panariti.

Sondazh

Më shumë në këtë kategori: « Donald Lu përgëzon ministrin për emërimin, takon Arben Ahmetajn. Nishani e dekreton
Basha: Emërimi i Ahmetajt në krye të Financave, i hap rrugë koncesionit të TVSH »
Article Logic
Execution time: 0.01400899887085
array(1) { ["section"]=> string(77) "perplasja-erion-brace-akuzoi-ashper-ministrin-e-lsi-merr-kete-pergjigje-32834" }