Projekti për ndërtimin e portit gjigant në Karpen të Kavajës, dështoi në 2016-n, Avokati i Shtetit zgjati procedurat

Publikuar tek: ekonomi, më 10:49 27-03-2017 Projekti për ndërtimin e portit gjigant në Karpen të Kavajës, dështoi në 2016-n, Avokati i Shtetit zgjati procedurat

Projekti për ndërtimin e portit gjigant në Karpen të Kavajës, dështoi në 2016-n.

Ministria e Ekonomisë në kuadër të një analizë pune për vitin 2016 ka bërë me dije se procedurat e zgjatura nga Avokatura e Shtetit sollën mosrealizim e projektit “Projektimi, ndërtimi, operimi, mirëmbajtja dhe menaxhimi i portit të Karpenit, zonës mbështetëse të portit dhe asaj ekonomike”.

“Minitor” shkruan se projekti i shpallur në fundverën e vitit të kaluar ngjalli mjaft interes dhe mbi të gjitha skepticizëm, pasi projektligji për ndërtimin e një porti gjigant në Karpen të Kavajës, me vlerë 5 miliardë dollarë ishte sa gjysma e prodhimit të brendshëm të Shqipërisë.

Projekti, sipas draftit parashihte investim në një port të thellë që mundëson hyrjen e anijeve tregtare, zonë ekonomike dhe logjistike dhe ndërtimin e një terminali rigazifikimi LNG dhe një centrali për prodhim energjie (central energjie me gaz ose biomase), duke mundësuar hapjen e 70 mijë vendeve pune.

Por projekti nuk u shoqërua me një plan financiar të qartë për mënyrën se si do të financohej. Mediat zbuluan se projekti zotërohej nga një grup kompanish ofshore.

Ministria e ekonomisë më tej në analizën e saj për punën me 2016 ndalet në faktin se shpenzimet për investime janë realizuar në masën 81%.

“Mosparaqitja e faturave për likuidimin e TVSH-së, pranë Aparatit të Ministrisë, diferencat nga procesi prokurimeve, ndërmjet fondeve të planifikuara dhe atyre të kontraktuara,  mos funksionimi i plotë i ISHMT-s, (Inspektoriati Shtetëror i Mbikëqyrjes së tregut) mospërcaktimiiselisë të këtij institucioni dhe si pasojë nuk u realizuan investimet e planifikuara për ISHMT-n” ishin disa nga arsyet pse investimet e planifikuara nga Ministria e Ekonomisë nuk u realizuan 100%.

Nga ana tjetër mosplotësimi i kushteve të kontratës të operatorit fitues të projektit të DPM, për shkak të procedurave të zgjatura nga shteti i kompanisë fituese; ndryshimi i disa projekteve me kërkesë të Kryeministrisë, siç janë rastet e përdorimit të fondeve të AIDA-s prej 29 mln lekë për projektin “Krijimin e fondit në mbështetje të mikrondërmarrjeve, të vogla dhe të mesme që ushtrojnë aktivitetet në zonat turistike/historike”, ndikuan planin e investimeve.

Sondazh

Article Logic
Execution time: 0.018561124801636
array(1) { ["section"]=> string(120) "projekti-per-ndertimin-e-portit-gjigant-ne-karpen-te-kavajes-deshtoi-ne-2016-n-avokati-i-shtetit-zgjati-procedurat-73244" }