'PS ka frikë nga kutitë që do të mbeten bosh', Duka bën thirrje: Denonconi çdo dhunim në garën e tyre imagjinare

Publikuar tek: kulture-art, më 16:49 29-06-2019 'PS ka frikë nga kutitë që do të mbeten bosh', Duka bën thirrje: Denonconi çdo dhunim në garën e tyre imagjinare

Kreu i Partisë Agrare Ambientaliste, Agron Duka ka reaguar për zgjedhjet që do zhvillohen ditën e nesërme.

Përmes një statusi në 'Facebook', Duka shprehet se 30 qershori është një datë që do të mbetet e mbuluar nga turpi.

Sipas Dukës, presioni ndaj qytetarëve të pambrojtur, ndaj administratës dhe ndaj sipërmarrjes private po rritet nga ora në orë.

Më tej Duka shton se Grupimi i Qendrës së Djathtë, i bën thirrje qytetarëve të denoncojnë çdo presion, çdo mashtrim dhe dhunim që do të hasin gjatë ditës së votimeve.

Statusi i plotë:

30 qershori është një datë që do të mbetet e mbuluar nga turpi jo vetëm sepse është një farsë antidemokratike dhe antikushtetuese, por sepse, edhe të vetëm në garën e tyre imagjinare, po përdorin të gjithë arsenalin famëkeq me të cilin Shqipëria dhe bota tashmë është njohur.

Presioni ndaj qytetarëve të pambrojtur, ndaj administratës, ndaj sipërmarrjes private po rriten nga ora në orë në përpjekje për t’i dhënë një legjitimitet fiktiv përpjekjes së mazhorancës për ta çuar vendin në monizëm.

Frika që kanë nga kutitë që do të mbeten bosh, buron nga vetëdija se pluralizmi që shqiptarët fituan me mund tri dekada më parë, nuk mund të rrëmbehet me votime, për këtë arsye kërcënojnë, dhunojnë dhe dezinformojnë.

Të gjithë ata që ende nuk kanë kuptuar rrezikshmërinë e organizatës që ka marrë peng jetën demokratike të vendit, le të shohin si kërkojnë të manipulojnë edhe një garë në të cilën nuk kanë kundërshtarë, ku janë të vetmit që kandidojnë dhe të vetmit që numërojnë.

Të bindur në drejtësinë e kauzës sonë, Grupimi i Qendrës së Djathtë, i bën thirrje qytetarëve të denoncojnë çdo presion, çdo masë represive ndaj atyre që nuk u binden votimeve monopartiake, çdo mashtrimi dhe dhunimi që cenon të drejtat kushtetuese të secilit prej jush.

Sondazh

Article Logic
Execution time: 0.0070760250091553
array(1) { ["section"]=> string(115) "ps-ka-frike-nga-kutite-qe-do-te-mbeten-bosh-duka-ben-thirrje-denonconi-cdo-dhunim-ne-garen-e-tyre-imagjinare-170319" }