Rama: Deklarata ime për bashkimin u nxor jashtë kontekstit

Publikuar tek: politike, më 18:47 21-04-2015 Rama: Deklarata ime për bashkimin u nxor jashtë kontekstit

Kryeministri Edi Rama ka pranuar sot se deklarata e tij për bashkimin e Shqipërisë dhe Kosovës në mënyrë klasike është nxjerr jashtë kontekstit, duke modifikuar ato se çfarë ai ka thënë gjatë intervistës së përbashket me zëvendëskryeministrin kosovar, Hashim Thaçi. Sipas Ramës, deklarata e tij ishte mjaft e qartë dhe sinqertë por është deformuar.

“Unë mund të them qartësisht se ky është për shqiptarët një moment fantastik përgjatë historisë dhe se ne nuk kemi qenë kurrë më mirë se sot në Shqipëri, Kosovë dhe vende të tjera të rajonit”, ka thënë Rama për Al Jazeera.

Duke folur për takimet e zhvilluara sot në Bruksel, Rama është shprehur se është një arritje e madhe bashkëpunimi për ndërtimin e rrjeteve rrugore dhe hekurudhore midis vendeve të Ballaknit. “Kjo është marrëveshje e madhe për shkak se nuk mund të imagjinohej disa vite më parë”, ka thënë ai.

Rama ka folur edhe për marrëdhëniet e Shqipërisë me Serbinë, të cilat sipas tij nuk kanë qenë kurrë më të mira, duke shtuar se takimi i zhvilluar sot me kryeministrin serb, Aleksandar Vuçiç ishte shumë produktiv.

Sipas kryeministrit shqiptar, të dyja vendet janë duke punuar së bashku, në mënyrë që të krijojnë planin më të mirë për bashkëpunim, që marrëdhëniet midis Shqipërisë dhe Serbisë të kthehen në model për të gjithë rajonin.

Për çfarë keni rënë dakord në takimet e zhvilluara në Brukselit dhe çfarë shpresoni të bini dakord në projekte infrastrukturore që Shqipëria ka ndërmend?

Ishte një takim shumë i rëndësishëm pasi na çoi një hap përpara në procesin e Berlinit. Kështu që, sot, ne mund të themi se kemi pothuajse dizenjuar dhe aprovuar bazat e këtij rrjeti infrastrukturor, që do t’i lejojë vendeve tona bashkë edhe me Bashkimin Europian, të investojnë në ndërlidhje. Kjo është një arritje, pasi është diçka e cila as mund të imagjinohej disa vite me parë.

A mund të na flisni për projektet më konkrete infrastrukturore që ka Shqipëria?

Po sigurisht ne jemi pjesë. E bukura e këtij procesi është që nuk ka asnjë pjesë të infrastrukturës që është për një vend të vetëm, por ka të bëjë me ndërlidhjen mes vendeve, që do duhet të punojnë së bashku dhe do të ndërtojnë së bashku këtë rrjet të përbashkët infrastrukturor për të ardhmen.

Siç vumë re Shqipëria insiston për një datë konkrete të hapjes së negociatave për anëtarësim, me Bashkimin Europian. Sa nga reformat që Brukseli kërkon prej jush i keni realizuar?

Ne nuk insistojmë, por ne besojmë fort se jemi gati për hapjen e tyre. Nga ana tjetër ne jemi shumë të vetëdijshëm se Europa është në një moment tepër të veçantë, pavarësisht se çfarë themi ne dhe çfarë thonë ata nuk kemi të bëjmë thjesht me një vendim teknik, por më shumë me një vendim politik, që lidhet me egon e shumë shteteve, interesa personale apo këndvështrime egocentrike. Gjëja e rëndësishme është se ne jemi gati për çeljen e këtyre negociatave.

Javët dhe ditët e fundit deklaratat tuaj lidhur me Kosovën dhe Shqipërinë kanë tërhequr vëmendjen duke shkaktuar edhe kritika. A do të thotë kjo se Ju jeni keqinterpretuar ose çfarë Ju keni dashur të thoni konkretisht kur keni folur për këtë çështje?

Unë mendoj se idetë e mia në lidhje me këtë janë nxjerrë nga konteksti, edhe pse unë jam shprehur qartë dhe në mënyrë të hapur dhe të sinqertë, që do të thotë se për ne shqiptarët është një moment fantastik i historisë tonë. Nuk kemi qenë kurrë më mirë se sot jo vetëm në Shqipëri, por edhe në Kosovë dhe më gjerë. Procesin e integrimit duhet ta kuptojmë si një instrument unik për të modernizuar realitetet tona dhe në të njëjtën kohë për të na bashkuar me njëri tjetrin, në familjen e madhe të bashkuar europiane.

Njëkohësisht, unë kam thënë, dhe pse mos ta përsëris prapë, se kjo është mënyra jonë se si ne e shohim këtë situatë, por që varet edhe nga Europa se si ajo e shikon dhe se si e kupton dhe sa ajo ka nevojë për Ballkanin, ashtu sikurse Ballkani ka pasur gjithmonë nevojë për Europën, por edhe mënyra se si Europa do të arrijë të ndalojë që strategjitë nacionaliste të prevalojnë mbi ëndrrën tonë të sinqertë dhe të ligjshme për të qenë pjesë e një familje e madhe, në mënyrë që kjo ëndërr të mos orientohet nga fryma nacionaliste. Në fakt kemi të bëjmë me një konflikt mes së vjetrës dhe së resë, dhe beteja nuk ka mbaruar. Ne jemi në anën e së resë, por asnjëherë nuk duhen nënvlerësuar qëndrimet e vjetra, mendimet e së kaluarës sepse Ballkani ka vërtetuar gjithmonë që është vendi ku e vjetra rikthehet.

Beogradi zyrtar ishte ai që reagoi më shumë në lidhje me deklaratat tuaja. Si i vlerësoni marrëdhëniet Shqipëri-Serbi?

Mendoj se marrëdhëniet mes Shqipërisë dhe Serbisë nuk kanë qenë kurrë më të mira. Sot pata një takim shume të mire me z. Vuçiç. Në bashkëpunojmë ngushtësisht për të pasur mirëkuptim dhe për të planifikuar sa më mirë punën, në mënyrë që marrëdhëniet mes Shqipërisë dhe Serbisë të jenë model për rajonin, duke u bazuar në modelin e ndjekur nga Franca dhe Gjermania pas Luftës së Dytë Botërore. Ndaj, atë që bënë për Europën që kemi sot këto dy vende të fuqishme, pas një historie shumë të gjatë dhe të përgjakshme, ne mund ta bëjmë për Ballkanin që duam të kemi.

Lexo edhe:

Rama ul tonet në Bruksel: Do të bejmë atë që kërkohet nga BE

Sondazh

Më shumë në këtë kategori: « Zgjedhjet lokale, PBDNJ del e vetme në zgjedhjet e 21 qershorit
Meta: Spanja duhet të ketë përqasje tjetër ndaj Kosovës »
Article Logic
Execution time: 0.018570899963379
array(1) { ["section"]=> string(62) "rama-deklarata-ime-per-bashkimin-u-nxor-jashte-kontekstit-9364" }