Reagon Kryetari i Bashkisë pas akuzave për trafik droge: Nuk kam lidhje me të, është i PD-së

Publikuar tek: politike, më 20:57 10-04-2016 Reagon Kryetari i Bashkisë pas akuzave për trafik droge: Nuk kam lidhje me të, është i PD-së

Pas publikimit të videos, ku akuzohet për trafik droge, kreu i Bashkisë Këlcyrë Klement Ndoni ka reaguar duke thënë se akuzuesi ka qenë pjesë e stafit elektoral të kundërshtarit të tij në zgjedhje.

Nga ana tjetër, Ndoni thekson se, Bardhi Nunollarin nuk e njeh dhe se nuk ka pasur kurrë kontakt me të.

Reagimi i Klement Ndonit:

Në disa portale online, po qarkullon një video e një ish- të dënuari për trafik droge, pjesë e stafit elektoral të kundërshtarit tim në fushatën e fundit elektorale Bujar Fezga, i mbështetur nga Partia Demokratike.

Personi që flet në video, nuk ka asnjë njohje dhe lidhje personale me mua, dhe nuk kam pasur kurrë asnjë kontakt me të.

Ai është viktimë e dëshpërimit që ka kapur opozitën dhe ish kandidatin e saj në Bashkinë e Këlcyrës, pas zgjedhjeve të fundit dhe po përdoret prej tyre.

Sot kam nisur procedurën për të paditur penalisht për shpifje të qëllimshme personin e përdorur politikisht dhe do t’i shkoj deri në fund padronit të tij, i cili pasi provoi të fitonte  me pare, me përçarje fetare dhe me dhunë, tani shpreson të hedh baltë duke përdorur njerëz të dëshpëruar, të cilët fatkeqësisht janë miqtë dhe bashkëpunëtorët e tij, në fushatën e fundit elektorale.

Sondazh

Më shumë në këtë kategori: « Braçe në eufori nga rezultati i referendumit i përgjigjet Blushit: Ti nuk ishe me ne
Helikopteri, Kodheli: Të angazhuar për zbardhjen e plotë të shkaqeve të aksidentit »
Article Logic
Execution time: 0.019895076751709
array(1) { ["section"]=> string(96) "reagon-kryetari-i-bashkise-pas-akuzave-per-trafik-droge-nuk-kam-lidhje-me-te-eshte-i-pd-se-37336" }