Pjesa e parë e ndeshjes përfundoi me pak raste me shifrat 0-0.
Kukësi vuajti për të gjetur golin e parë të cilin e mori me një autogol të Fangaj. Vetëm disa minuta më pas do të jetë Pereira ai që do të dyfsishonte shifrat duke shthurur totalisht kurbinasit. Elis Bakaj nuk do të largohej nga fusha e lojës pa shënuar edhe golin e tretë të takimit duke i dhënë goditjen e fundit Laçit në këtë ndeshje.
Kurbinasit e shënuan një gol, por ishte pozicion jashtë loje sipas anësorit.
Kjo ishte fitorja më e pastër në këtë sezon të Superligës edhe pse me vështirësi e fituar nga verilindorët. Kujtojmë që Bakaj i shënon Laçit me plot 4 skuadra si Dinamo, Tirana, Vllaznia dhe tashmë Kukësi. Verilindorët kapin tashmë kreun e klasifikimit në Superligë.
