Saimir Pirgu, shqiptari i parë që nominohet për çmimet Grammy

Publikuar tek: kulture-art, më 15:59 07-12-2016 Saimir Pirgu, shqiptari i parë që nominohet për çmimet Grammy

Saimir Pirgu, një nga tenorët shqiptarë më të njohur në arenën e artit operistik botëror, ka marrë vlerësimin më të lartë që një artist mund të marrë në karrierën e tij.

Ai është zyrtarisht shqiptari i parë në botë që ia ka dalë të nominohet për çmimin Grammy.

Opera ‘Szymanowski: Król Roger’ është votuar si pjesë e pesëshes më të mirë në këtë kategori, në garë me 4 shfaqje të tjera operistike dhe paneli i kritikëve botërorë, votues të akademisë “Grammy”, do të vendosin më pas fituesin.

Për herë të parë kjo shfaqje është vënë në skenë në vitin 1965. Ky është ri-prodhimi i tetë i saj dhe qysh prej herës së parë që u vendos në skenë, shfaqja me protagonist Pirgun, ka marrë vlerësime maksimale edhe nga kritikët. Shkrime dedikuar saj në gazetat më prestigjioze botërore, kanë veçuar  tenorin shqiptar për talentin dhe cilësinë e performancës së tij në rolin e “Shepherd”.

Ajo që e bën edhe më të madh ndikimin e Pirgut në nominimin e kësaj opere për ”Grammy”, është pesha e madhe e rolit të tij dhe niveli i lartë i vështirësisë. Ai është konsideruar si ‘zbulim’, jo vetëm për zërin e mrekullueshëm, por edhe sepse ia doli të duket i pashëm dhe joshës, pavarësisht impenjimit të madh që kërkonte roli i tij dhe vokalizave të larta.

Edicioni i 58-të i ceremonisë së ndarjes së çmimeve “Grammy” do të transmetohet ‘live’ në stacionin amerikan CBS më 12 shkurt. Eventi do të prezantohet nga aktori komik James Corden dhe do të zhvillohet në arenën e “Staples Center” në Los Angeles.

Screenshot_22.png

Screenshot_21.png

Sondazh

Më shumë në këtë kategori: « 100 vite poezi në Korçë, nxënësit sjellin krijimet e poetëve më të mirë të juglindjes
10 filma që ju tregojnë rrugën drejt lumturisë »
Article Logic
Execution time: 0.013812780380249
array(1) { ["section"]=> string(66) "saimir-pirgu-shqiptari-i-pare-qe-nominohet-per-cmimet-grammy-61899" }