Serbët ndalojnë këshilltarin e ministrisë së Punës në Kosovë, reagon ashpër Haradinaj: E papranueshme

Publikuar tek: rajon, më 11:30 10-01-2019 Serbët ndalojnë këshilltarin e ministrisë së Punës në Kosovë, reagon ashpër Haradinaj: E papranueshme

Nebojsha Jakovljeviç, këshilltar në Ministrinë e Punës dhe Mirëqenies Sociale në Kosovë, është ndaluar në Merdare nga autoritetet serbe.

Lidhur me këtë ka reaguar edhe kryeministri i Kosovës, Ramush Haradinaj. Përmes një postimi në Facebook, Haradinaj shprehet se ky është presion dhe kërcënim i Serbisë për qytetarët e komunitetit serb të Kosovës.

Haradinaj po ashtu ka thënë se ndalimi i Nebojsa Jakovljevic nga autoritetet e Serbisë në Mërdarë, është veprimi i radhës i papranueshëm dhe i dënueshëm.

"Qeveria e Kosovës dënon ashpër këtë formë të presionit dhe kërcënimit nga ana e Serbisë për qytetarët e komunitetit serb të Kosovës. Ky veprim, nuk është i vetmi dhe as i izoluar, por është pjesë e një fushate të orkestruar të pushtetit serb, për ta kërcënuar drejtpërdrejt sigurinë e vendit tonë", shprehet ndër të tjera Haradinaj.

Reagimi i plotë:

Ndalimi i Nebojsa Jakovljevic nga autoritetet e Serbisë në Mërdarë, është veprimi i radhës i papranueshëm dhe i dënueshëm.

Jakovljevic është këshilltar në Ministrinë e Punës dhe Mirëqenies Sociale, pjesë e partisë SLS dhe vëllai i nënkryetarit të Komunës së Obiliqit, familjen e të cilit e kam vizituar gjatë muajit dhjetor.

Qeveria e Kosovës dënon ashpër këtë formë të presionit dhe kërcënimit nga ana e Serbisë për qytetarët e komunitetit serb të Kosovës.

Ky veprim, nuk është i vetmi dhe as i izoluar, por është pjesë e një fushate të orkestruar të pushtetit serb, për ta kërcënuar drejtpërdrejt sigurinë e vendit tonë.

Kosova është e përkushtuar për dialog, që mundëson arritjen e një Marrëveshjeje përfundimtare me shtetin fqinj dhe secili akt që pengon këtë frymë është i papranueshëm.

Apeloj tek zyrtarët e BE-së si dhe tek Bashkësia Ndërkombëtare, që të reflektojë për t’i bërë presion Beogradit të ndalojë menjëherë veprimet e tilla të njëpasnjëshme kundër qytetarëve të Kosovës, të cilat tregojnë qartë rrugën që ka zgjedhur Serbia kundër lëvizjes së lirë, frymës europiane të bashkëpunimit si dhe vlerave të përbashkëta.

Sondazh

Më shumë në këtë kategori: « Moti i keq, aksident zinxhirë, përfshihet makina e policisë (VIDEO)
Shkatërrohet në Itali banda e dhunshme e grabitësve, drejtohej nga minoreni shqiptar »
Article Logic
Execution time: 0.026572227478027
array(1) { ["section"]=> string(106) "serbet-ndalojne-keshilltarin-e-ministrise-se-punes-ne-kosove-reagon-ashper-haradinaj-e-papranueshme-148219" }