SHÇBA-së i mjaftojnë 24 orë për vrasjen e Don Boskos, asnjë përgjegjësi penale për POLICËT

Publikuar tek: aktualitet, më 12:33 13-06-2018 SHÇBA-së i mjaftojnë 24 orë për vrasjen e Don Boskos, asnjë përgjegjësi penale për POLICËT Xhulieta Çuni dhe Xhafer Mata

Struktura e Shërbimit për Çështjet e Brendshme dhe Ankesat ka përfunduar për më pak se 24 orë hetimet në lidhje me vrasjen e Xhulieta Çunit në zonën e Don Boskos, ku janë marrë në pyetje të gjithë policët e Komisariatit nr 3.

Sipas njoftimit, SHÇBA ka thënë se efektivët e policisë nuk kanë asnjë përgjegjësi penale për krimin, ndërsa në Polici është marrë një kallëzim më 7 maj të 2018 nga ana e viktimës 19 vjeçare dhe pas kësaj dite nuk është bërë asnjë denoncim.

Nga hetimet e bëra 24 orët e fundit, vrasja e 19 vjeçares Xhulieta Çunit mëngjesin e 8 qershorit nga Xhaferr Mata, 31 vjeç nuk mund të ishte parandaluar nga asnjëri prej policëve që ka qenë në shërbim ditën kur është bërë kallëzimi nga e reja në drejtim të autorit.

NJOFTIMI:

SHÇBA: Asnjë përgjegjësi penale e punonjësve të Policisë për ngjarjen në “Don Bosko”

Struktura e Shërbimit për Çështjet e Brendshme dhe Ankesat (SHÇBA), Tiranë nisi verifikimet për veprimet apo mosveprimet e Policisë, menjëherë pas ngjarjes së ndodhur në datën 8 Qershor 2018, në rrugën “Don Bosko”, ku shtetasi XH.M. vrau me armë zjarri shtetasen 19-vjeçare Xh.Ç., e më pas veten. SHÇBA kreu verifikimet e plota për të kqyrur veprimet policore, duke nisur me intervistimet e punonjësve, kryqrje libra shërbimi, dokumentacioni, kamera etj.

Nga gjithë verifikimet e kryera ka rezultuar se Policia ka marrë kallëzim në datën 7 maj 2018 nga shtetasja XH.Ç. për përndjekje.

Materialet janë referuar në Prokurorinë e Rrethit Gjyqësor Tiranë dhe pas vlerësimit të kallëzimit nga Prokuroria është bërë rregjistrimi i procedimit penal, për të vijuar më pas me hetimin.

Pas kallëzimit, Prokuroria nuk i ka deleguar veprime të tjera shtesë Policisë, duke vijuar vetë me veprimet hetimore.

Policia e Shtetit nuk ka marrë asnjë ankesë tjetër apo t’i jetë bërë prezent ndonjë shqetësim nga shtetasja Xh.Ç., pas kallëzimit të datës 07.05.2018.

Pra, nga verifikimet e kryera nga SHÇBA dhe analizimi i dokumentacionit të administruar, nuk rezulton se punonjësit e Policisë që kanë trajtuar ngjarjen të kenë konsumuar elementë të ndonjë vepre penale, duke shpërdoruar detyrën. Ministria e Brendshme dhe Policia e Shtetit mbetet e gatshme për të pritur çdo ankesë apo informacion për shkelje të konstatuara nga punonjës të Policisë, duke rikujtuar numrin ku mund të denoncohet falas 0800 90 90.

Sondazh

Më shumë në këtë kategori: « Xhaçka në Francë për modernizimin e FA: Bashkëpunim edhe në fushën e emergjencave civile
Vettingu/ U shkarkua nga KPK, gjyqtari i Kushtetuese kërkon rikthimin në detyrë »
Article Logic
Execution time: 0.020750999450684
array(1) { ["section"]=> string(96) "shcba-se-i-mjaftojne-24-ore-per-vrasjen-e-don-boskos-asnje-pergjegjesi-penale-per-policet-124231" }