SHMANGNI PENALITETET, Drejtoria e Tatimeve: Sot afati i fundit për deklarimin e...

Publikuar tek: ekonomi, më 18:29 12-02-2018 SHMANGNI PENALITETET, Drejtoria e Tatimeve: Sot afati i fundit për deklarimin e...

Tatimet kujtojnë se sot është afati i fundit për dorëzimin e deklaratës vjetore të Tatimit të Thjeshtuar mbi Fitimin për Biznesin e Vogël me qarkullim nga 0-5 dhe nga 5-8 milionë lekë.

Në mbështetje të nenit 16 të ligjit nr.9632, datë 30.10.2006 “Për sistemin e taksave vendore”, i ndryshuar kjo deklaratë vjetore duhet të dorëzohet nga;

-Çdo tatimpagues, subjekt i tatimit të thjeshtuar mbi fitimin e biznesit të vogël, me qarkullim nga 5 (pesë) deri në 8 (tetë) milionë lekë, ku të jepen hollësisht të ardhurat gjithsej, shpenzimet e zbritshme, fitimi i tatueshëm, tatimi për t’u paguar, si dhe çdo hollësi tjetër e përcaktuar me udhëzim të Ministrit të Financave për plotësimin dhe dorëzimin e deklaratës tatimore vjetore.

-Të gjithë tatimpaguesit e tatimit të thjeshtuar mbi fitimin me qarkullim vjetor nga 0 (zero) deri në 5 (pesë) milionë lekë. Këta tatimpagues e plotësojnë këtë deklaratë sipas mënyrës së përcaktuar në udhëzimin e Ministrit të Financave.

Administrata tatimore ju këshillon të plotësoni korrektësisht dhe në afat këtë deklaratë vjetore për të shmangur penalitetet administrative parashikuar ligjin nr.9920 datë 19.5.2008 “Për procedurat tatimore në Republikën e Shqipërisë”, i ndryshuar.

Për informacion dhe asistencë lidhur me plotësimin dhe dorëzimin e kësaj deklarate mund t’i drejtoheni sporteleve të Shërbimit ndaj Tatimpaguesve në të gjithë vendin ose të telefononi në numrin pa pagesë të Qendrës së Thirrjeve 0800 00 02.

Sondazh

Më shumë në këtë kategori: « Biznes në ambjent të marrë me qira, Tatimet japin NJOFTIMIN e rëndësishëm: Ja çfarë duhet të DORËZONI
»
Article Logic
Execution time: 0.01991605758667
array(1) { ["section"]=> string(84) "shmangni-penalitetet-drejtoria-e-tatimeve-sot-afati-i-fundit-per-deklarimin-e-110029" }