Shqipëria, vendi ku njerëzit me paga të larta tatohen më shumë së në gjithë rajonin

Publikuar tek: ekonomi, më 18:17 09-05-2016 Shqipëria, vendi ku njerëzit me paga të larta tatohen më shumë së në gjithë rajonin

Nëse je i talentuar, i mirëarsimuar dhe si rrjedhojë arrin të gjesh një punë me një pagë të mirë, në Shqipëri taksohesh dyfishi në krahasim me të gjithë vendet e rajonit.

Ndërsa Banka Botërore ka vënë në dukje se bizneset në Shqipëri kanë normat e taksave më të larta në rajon, së bashku me ato të Serbisë, një matricë e Këshillit të Investimeve “zbulon” se Shqipëria mban rekord dhe për taksimin e individëve, sidomos atyre me paga të larta, shkruan Monitor.

Norma progresive prej 23%, për pagat mbi 130 mijë lekë (rreth 930 euro) është unike në gjithë rajonin, që i taton të ardhurat nga paga mesatarisht me 9-11%. Për krahasim, Mali i Zi, që paga të larta kategorizon ato mbi 720 euro neto, i taton me 11%, nga 9% që tatohen pagat nën këtë nivel.

Edhe Serbia, që i ka taksat mbi biznesin të larta dhe të krahasueshme me ne, të ardhurat nga punësimi dhe të ardhurat nga biznesi i taton me 10%. Serbia taton të ardhurat nga copyright dhe të ardhurat nga qiraja 20%; të ardhurat nga kapitali 15% duke përjashtuar nga taksimi shitjen e aseteve që ishin në pronësi të shitësit për më shumë se 10 vjet.

Në Maqedoni, tatimi mbi të ardhurat personale është i sheshtë prej 10%.

Në Mal të Zi, tatimi mbi të ardhurat është 9% dhe rritet në 11% për të ardhurat prej më shumë se 720 Euro neto/muaj nga punësimi. Në këtë shtet, pagat për punonjësit Start up (përveç për sektorët e bujqësisë, peshkimit, transportit, ndërtimit të anijeve) janë subjekt i përjashtimit nga taksimi për 8 vjet, deri në një shumë totale prej 200,000 euro.

Kosova ka tatimin mbi pagën më të ulëtin në rajon, progresiv nga zero në 10 (0%/4%, 8%, /10%).

Në Bosnjë Hercegovinë, tatimi mbi të ardhurat është fiks, 10%./ Monitor.

TABELA Tatimi mbi të ardhurat personale, krahasimi i vendeve të Rajonit
   
Shqipëria 0, 13%, 23%
Maqedonia 10%
Serbia Të ardhurat nga punësimi dhe të ardhurat nga biznesi 10%; të ardhurat nga copyright dhe të ardhurat nga qiraja 20%; të ardhurat nga kapitali 15% duke përjashtuar nga taksimi shitjen e aseteve që ishin në pronësi të shitësit për më shumë se 10 vjet.
Mali i Zi 9%
  Taksim në 11% për të ardhurat prej më shumë se 720 Euro neto/muaj nga punësimi
  Pagat për punonjësit Start up (përveç për sektorët e bujqësisë, peshkimit, transportit, ndërtimit të anijeve) janë subjekt i përjashtimit nga taksimi për 8 vjet, deri në një shumë totale prej 200,000 euro.
Kosova Progresive 0%/4%, 8%, /10%
Bosnjë dhe Hercegovina 10%
Burimi: Këshilli i Investimeve  

 

Tatimi mbi të Ardhurat Personale nga paga në Shqipëri është si më poshtë:
     
E ardhura e tatueshme Përqindje
(në lekë/muaj)
Nga  Deri në (përfshirë)  
0 30 000 zero për qind
30 001 130 000 + 13 për qind të shumës mbi 30 000 lekë
130 001 Më tepër 13 000 lekë + 23 për qind të shumës mbi
130 000 lekë

Sondazh

Article Logic
Execution time: 0.033215999603271
array(1) { ["section"]=> string(88) "shqiperia-vendi-ku-njerezit-me-paga-te-larta-tatohen-me-shume-se-ne-gjithe-rajonin-39956" }