Si i mbijetoi Pallati Mbretëror bombardimit aleat, video e rrallë

Publikuar tek: dossier, më 10:51 05-11-2017 Si i mbijetoi Pallati Mbretëror bombardimit aleat, video e rrallë

Nga Erald Kapri

Beteja për Tiranën në tetor dhe nëntor 1944 mbetet beteja më e ashpër e Luftës së Dytë Botërore në Shqipëri.

Për mëse 3 javë u luftua ashpër me trupat gjermane që ruanin kryeqytetin shqiptar para se ato të tërhiqeshin drejt Shkodrës. Por gjatë këtyre luftimeve, dhjetëra avionë ushtarakë amerkanë dhe britanikë bombarduan Tiranën, kryesisht pjesën periferike të saj, nga zona e Saukut e deri në Vorë. Llogariten që mbi 200 bomba të rënda u hodhën në Tiranë për ditë të tëra.

Fatmirësisht, avionët aleatë nuk bombarduan në brendësi të qytetit duke e ruajtur Tiranën nga shkatërrimi në masë. Por ky bombardim preku edhe ndërtesën më lukzoze për kohën, Pallatin Mbretëror, ose siç njihet rëndom, Pallati i Brigadave. I nisur nga Mbreti Zog, Pallati u përfundua nga italianët. Gjatë kohës së luftës aty jetuan përfaqësuesit më të lartë politikë dhe ushtarakë pushtues të kohës.

Video e sotme në Newsbomb.al tregon bombardimin e aviacionit amerikan mbi Pallatin Mbretëror dhe në të mund të vihen re shënjat e bombave dhe vrimave në mure. Por fatmirësisht ai i mbijetoi këtij sulmi të rëndë.

Video është realizuar në 29 nëntor 1944 nga një kameraman i ushtrisë Britanike që xhiroi edhe parakalimin në Tiranë me 28 nëntor 1944. Disa ushtarakë britanikë nuk i rezistuan tundimit për ta vizituar pallatin e shumëpërfolur ndaj me vete kishin edhe kameramanin e ushtrisë. Pamjet e rralla tregojnë ndërtesën, kopshtet, ballkonin si dhe një panoramë të Tiranës të sapo dalë nga lufta. 

 

Votoni kryebashkiakun tuaj: Kush punon mirë, kush është i korruptuar

Emri / Bashkia
Punoi mirë
I korruptuar

Ju lutem, për të votuar kryetarin e bashkisë klikoni Qarkun përkatës në hartë!

Sondazh

Më shumë në këtë kategori: « BOMB-HISTORI: Rruga e Llogarasë, si u ndërtua në 90 ditë nga italianët (FOTOT 100 vjeçare)
»
Article Logic
Execution time: 0.004368782043457
array(1) { ["section"]=> string(70) "si-i-mbijetoi-pallati-mbreteror-bombardimit-aleat-video-e-rralle-98402" }