Sipas Faik Konicës: Çfarë është Dita e Verës

Publikuar tek: kulture-art, më 12:01 14-03-2017 Sipas Faik Konicës: Çfarë është Dita e Verës

Faik Konica:

Është dita në të cilën shtërgjyshërit t’anë, kur s’kish lindur edhe krishtërimi, kremtojin bashkë me Romanët dhe me Grekët e Vjetër, perëndit’ e luleve, të shelgjeve, të krojeve.

Kur çkrin dimëri, kur qaset Vera buzëqeshur e hollë dhe e gjatë si në pikturë të Botiçelit, zemra e njeriut çgarkohet nga një barë, shijon një qetësi, një lumtësi t’ëmblë. Në këtë gëzim, stërgjyshërit t’anë ndiejin një detyrë t’u falen perëndive që sillnin këto mirësira. Dhe ashtu leu festa hiroshe që quajmë Dit’ e Verës.

Në pak ditë në Shqipëri, besnikët e fundmë të paganizmit, besnikë padashur dhe pa dijtur , do të rrethojnë me verore degët e thanavet, të dëllinjavet, të dafinavet të gjithë shelgjeve të nderuara. Do të këputin degë të gjelbra dhe do ti venë mbi kryet e shtëpivet.

Të mos i lëmë të humbasin këto festa të vjetra të rracës sonë. Nuk i bëjnë dëm njeriut. Sjellin një gëzim të kulluar në shtëpi. Në një vend ku jeta e të vegjëlvet është aq e trishtuar, djelmuria dhe vajzat kanë një rasë të rrallë për të dëfryer. Për të mëdhenjtë, Dita e Verës ka një shije poetike të  hollë e të rrallë.

Sondazh

Më shumë në këtë kategori: « Filmat e komunizmit, “mea culpa” e regjisorit Piro Milkani. Të ndalohen? “Çdokush e ka pultin në dorë”
Avokatja jep lajmin e madh për Velierën sot në Ditën e Verës »
Article Logic
Execution time: 0.018440008163452
array(1) { ["section"]=> string(49) "sipas-faik-konices-cfare-eshte-dita-e-veres-71846" }