Skema e masakrës në Elbasan, ja lëvizjet e ekzekutorëve

Publikuar tek: aktualitet, më 17:50 04-02-2016 Skema e masakrës në Elbasan, ja lëvizjet e ekzekutorëve

Dy persona dyshohet se kanë qenë “grupi i zjarrit” që ka qëlluar me breshëri automatiku në drejtim të lokalit, ku ndodheshin disa pjestarë të familjes Çapja dhe të afërm të tyre. Njëra nga viktimat e mbrëmshme, Agron Çapja, dyshohet se ishte shënjestra e atentatit.

Të maskuar si forcat speciale ekzekutuesit kaluan lehtësisht perimetrin e sigurisë të familjes Çapja.

Ishte ora 19:54 minuta, kur pranë lokalit në kryqëzimin e Krastës, përbri autostradës Elbasan – Librazhd, u afrua makina e llojit “Benz” ngjyrë gri.

Siç po shihni në grafik, të ndërtuar mbi bazë të informacioneve paraprake, nga makina dolën dy persona të armatosur me “Kallashnikov”.

Ata i afrohen lokalit, brenda të cilit ndodheshin pjesëtarë të familes Çapaj dhe shokët e tyre.

Dy nga autorët me shpejtesi të befasishme hapën zjarr me breshëri nga dera dhe dritaret.

Më pas ata dyshohet se u larguan në drejtim të Librazhdit, por ende policia nuk di vendndodhjen e tyre.

Në vendin e ngjarjes u gjetën 65 gëzhoja, dy kallashnikovë dhe një krëhër me 26 fishekë.

Si pasojë e të shtënave vdiqën menjëherë Agron Çapja, Ardit Sinakoli dhe Eno Bedalli dhe u plagosen 8 persona, duke mos përjashtuar edhe ndonjë lëndim të lehtë të klientëve të tjerë.  

600 metra larg lokalit, policia gjeti edhe një automatik tjetër që mendohet se ishte i personit që ndodhej në sediljen e parë me shoferin.  

Masakra dyshohet se ka ndodhur për hakmarrje mes familjes Çapja dhe Mema. Por nuk është kjo pista e vetme e prokurorisë dhe policisë.

Ata nuk përjashtojnë pistat e tjera hetimore, si ajo e trafikut të drogës për shkak se një nga viktimat e kësaj vrasje, Eno Bedalli ka qenë i arrestuar në  2013-ën si pjesë e trafikut të kokainës nga Holanda në Itali.

Për këtë ngjarje policia ka shoqëruar rreth 50 persona, të cilët kanë dhënë versionin e tyre për ngjarjen dhe për vendndodhjen në momentin e atentatit.

Forcat e shumta të policisë, kane bliduar Elbasanin, duke ushtruar kontroll në banesa të ndryshme apo edhe në pikat e kontrolllit të ngritura në rrugët kryesore. (Abc News)

Sondazh

Më shumë në këtë kategori: « Ambulanca aksidenton këmbësorin, transportohet me shpejtësi drejt Spitalit të Traumës
“Pamje horror në maternitet”, deputeti shkon vetë, fotografon gjithçka dhe e publikon »
Article Logic
Execution time: 0.1413950920105
array(1) { ["section"]=> string(60) "skema-e-masakres-ne-elbasan-ja-levizjet-e-ekzekutoreve-31750" }