“Të ikën gjithë aktorët nga Portokallia”, Altin Basha i përgjigjet “flakë” Jul Dedës

Publikuar tek: fcb-bomb, më 10:56 26-09-2017 “Të ikën gjithë aktorët nga Portokallia”, Altin Basha i përgjigjet “flakë” Jul Dedës

Aktori i njohur Julian Deda dy ditë më parë akuzoi regjisorin Altin Basha si fajtor për largimin e aktorëve të njohur të Portokallisë.

Por vjen përgjigja e Altin Bashës i cili ka deklaruar për Wake up se:

“Fakti që këta individë janë larguar, nuk do të thotë se janë larguar të gjithë për të njëjtën arsye. Nga ai grup aktorësh që përmenden aty, rasti nuk i ngjan rastit. Dikush ka dashur të ndjekë karrierën jashtë Shqipërisë, dikush ka dashur të studiojë, dikush e ka parë veten si një individ të zot për të bërë një emision më vete dhe sigurisht ka edhe individë që janë larguar për probleme të disiplinës dhe të keqmenaxhimit të raportit të tyre me emisionin”.

Basha e cilëson Jul Dedën në reagimin e tij si një person me problem të identitetit atistik.

“Ka diçka që është përtej këtyre individëve dhe njerëzit e kuptojnë se ky është një emision i themeluar mbi disa struktura dhe themele të forta që mbajnë gjallë pasionin dhe krijimtarinë. Këtu e quaj të mbyllur bisedën e raportit tim me emisionin. Përsa kohë emisioni është në këtë nivel, aty është edhe kontributi im. Të gjitha diskutimet e tjera të portaleve dhe të njerëzve që kanë probleme të identitetit artistik, për mua janë të parëndësishme në momentin kur publiku e do dhe e ndjek ‘Portokallinë’ me të njëjtin intensitet që e ka ndjekur 10 vite më parë.

Përpjekja për ta përmbledhur të gjithë këtë historinë e largimeve tek emri im, është problem personal, gati-gati patologjik. Po unë do ta toleroj se nuk merrem me individë që lehin rrugëve, as nëpër portale”, tha Basha.

Sondazh

Article Logic
Execution time: 0.32011079788208
array(1) { ["section"]=> string(85) "te-iken-gjithe-aktoret-nga-portokallia-altin-basha-i-pergjigjet-flake-jul-dedes-93693" }