U nda nga jeta pas një sëmundje të rëndë, sot homazhet për ish-ministrin Dritan Prifti, mesazhi i fundit publikisht: Nuk dua të mërziteni!

Publikuar tek: aktualitet, më 05:10 13-10-2017 U nda nga jeta pas një sëmundje të rëndë, sot homazhet për ish-ministrin Dritan Prifti, mesazhi i fundit publikisht: Nuk dua të mërziteni!

Ish-ministri i Energjitikës Dritan Prifti ndërroi jetë në moshën 49-vjeçare pasditen e një dite më parë pas një sëmundje të rëndë.

 

Mësohet se sot do të mbahen homazhe tek Muzeu Kombëtar nga ora 10:00, deri në 12:00, ndërkohë që trupi i pajetë i ish-ministrit do të përcillet për në banesën e fundit në Shish-Tufinë. Bëhet e ditur se varrimi i Priftit do të zhvillohet në orën 13:00. Informacioni u bë i ditur nga familja e Priftit. 

Dritan Prifti vuante nga një sëmundje agresive të gjakut prej një viti dhe për këtë shkak ai kishte hequr dorë dhe nga jeta publike dhe politike.

“Nuk do kishte kënaqësi më të madhe për mua sesa të kisha mundësi të kandidoja dhe përfaqësoja përsëri Ju në politikë. Por nuk mundem fizikisht. Kam mbi një vit që luftoj me një sëmundje agresive dhe të vështirë gjaku. Kurimi vazhdon dhe pak muaj dhe nuk më jep mundësi të shkëputem për fushatë. Kam bindjen që do ta kaloj dhe këtë siklet shpejt. Nuk dua të mërziteni”, u shpreh Prifti në muajin maj kur u pyet nëse do të kandidonte në zgjedhjet e 25 qershorit.

Article Logic
Execution time: 0.0024089813232422
array(1) { ["section"]=> string(140) "u-nda-nga-jeta-pas-nje-semundje-te-rende-sot-homazhet-per-ish-ministrin-dritan-prifti-mesazhi-i-fundit-publikisht-nuk-dua-te-merziteni-95717" }