“Xhudistja më e mirë në botë”, fjalët emocionuese të Majlinda Kelmendit

Publikuar tek: sport, më 22:43 27-08-2017 “Xhudistja më e mirë në botë”, fjalët emocionuese të Majlinda Kelmendit

Federata Ndërkombëtare e Xhudos ka shpallur Majlinda Kelmendin xhudisten më të mirë në botë. Majlinda Kelmendi ka falënderuar Presidentin e Federatës Ndërkombëtare të Xhudos, Marius Vizer për mbështetjen që i ka dhënë Kosovës.

“Nder i madh që të jem këtu. Kam disa fjalë për të thënë. Shpresoj të mos ju pengoj. Fillimisht dua të uroj presidentin për mandatin e ri. Faleminderit që e keni mbështetur Kosovën. Ju jeni arsyeja që Kosova është pranuar në Komitetin Olimpik. Falë jush më është mundësuar të përfaqësoj Kosovën në Rio. Falë jush Kosova e ka medaljen olimpike. Faleminderit nga zemra”,është shprehur Kelmendi.

Gjithashtu Majlinda nuk ka harruar pa falënderuar trajnerin e saj Driton Kuka dhe dy vëllezërit për mbështetjen.

“Falënderim special për njeriun që më ka rritur dhe më ka bërë kampion, trajneri Driton. Vëllezërit Syla dhe Agroni. Të gjithë e njihni historinë time. E kam nisur karrierën në Kosovë. Kam fituar gjithçka. Por ky çmim sot është ‘Everesti’. Nuk mund të kërkoj për më shumë”, ka thënë Majlinda Kelmendi.

Sondazh

Më shumë në këtë kategori: « Icardi dhe Perisic “gjynjzojnë” me përmbysje Romën në “Olimpico”
La jashtë Cikalleshin, Panucci zbulon shkakun dhe rregullat që shkeli »
Article Logic
Execution time: 0.01325511932373
array(1) { ["section"]=> string(74) "xhudistja-me-e-mire-ne-bote-fjalet-emocionuese-te-majlinda-kelmendit-90369" }