Zgjedhjet presidenciale në Maqedoni, partitë shqiptare ende pa kandidat

Publikuar tek: rajon, më 23:26 10-02-2019 Zgjedhjet presidenciale në Maqedoni, partitë shqiptare ende pa kandidat Zgjedhjet presidenciale në Republikën e Maqedonisë së Veriut

Partitë politike shqiptare ende nuk kanë përgjigje konkrete ndaj thirrjes së kryeministrit Zoran Zaev për një kandidat të përbashkët konsensual. Kryetari i BDI-së, Ali Ahmeti deklaroi dje  se do përpiqej që të gjenin një zgjidhje për një kandidat të përbashkët me LSDM-në. Ndërsa partneri tjetër qeveritar, fraksioni i partisë BESA, me Afrim Gashin, thotë se vendimi pritet të merret në organet e partisë. 

Jemi duke i shqyrtuar të gjitha mundësitë për pjesëmarrje në zgjedhjet presidenciale dhe organet e partisë do të marrin vendimin më të pranuar për strukturat tona’- thonë nga Lëvizja BESA, krahu i Afrim Gashit.

Pa vendim të prerë janë edhe partitë opozitare shqiptare. Nga partia Aleanca për Shqiptarët Zijadin Selës, thonë se presin vendimin e kryesisë.

I kemi shqyrtuar disa opsione, në takimin e radhës së Kryesisë me siguri do të definohet qëndrimi’- thonë nga Aleanca për Shqiptarët.

Ndërsa nga BESA e krahut të Bilall Kasamit, nënvizojnë se nuk kanë marrë ftesë konkrete nga kryeministri Zaev dhe partia e tij, LSDM-ja. Gjithashtu BESA e Kasemit, është duke pritur edhe vendimin e Aleancës për Shqiptarët  për të dalë me kandidat të përbashkët.

Nuk kemi marrë ndonjë ftesë nga kryeministri rreth çështje. Jemi të fokusuar në fuqizimin e votës shqiptare në maksimum dhe jemi duke punuar në atë drejtim. Nuk kemi dhe bisedime me Aleancën për Shqiptarët të Zijadin Selës. Nga komunikimi i fundit mbetet që të mbajnë mbledhje të Kryesisë dhe të na njoftojnë a janë të gatshëm të ulemi për biseda. ASH-ja ende nuk ka dhënë përgjigje’- pohuan nga Lëvizja BESA, krahu i Bilall Kasamit.

Nga LSDM-ja edhe sot, nuk ka asnjë përgjigje për zgjedhje të parakohshme parlamentare, ndërsa nga ana tjetër partia më e madhe opozitare, VMRO-DPMNE-ja këmbëngul. Kreu i VMRO-së, Hristijan Mickovski, u kërkon qytetarëve të dalin në zgjedhje të parakohshme parlamentare, për të penguar varfërinë e vendit dhe politikat e gabuara të pushtetit të udhëhequr nga LSDM-ja e Zaevit.

Duhen zgjedhje të parakohshme, ku qytetarët të vendosin se në çfarë atdheu duan të jetojnë. Unë e di se nuk jeni për një Maqedoni të Veriut të varfër dhe të poshtëruar. Unë e di se jeni për Maqedoni të suksesshme dhe të pasur’, tha kreu i VMRO-së, Hristijan Mickovski.

Pasi kryetari i Kuvendit, të premten i shpalli zgjedhjet presidenciale, deri më 21 mars, subjektet politike duhet të dorëzojnë kandidatët e tyre në Komisioni Shtetëror të Zgjedhjeve (KSHZ). Raundi i parë  i zgjedhjeve presidenciale do të mbahet më 21 prill, ndërsa raundi i dytë më 5 maj. 

 

Sondazh

Më shumë në këtë kategori: « Mbytet një 12-vjeçar shqiptar në Greqi
Athina i dërgon notë diplomatike Shkupit »
Article Logic
Execution time: 0.022852897644043
array(1) { ["section"]=> string(77) "zgjedhjet-presidenciale-ne-maqedoni-partite-shqiptare-ende-pa-kandidat-152312" }