Zhvillohet në Tiranë takimi vjetor BE, rikonfirmohet bashkëpunimi

Publikuar tek: politike, më 21:10 13-03-2018 Zhvillohet në Tiranë takimi vjetor BE, rikonfirmohet bashkëpunimi Foto ilustruese: Michela Matuella dhe Ditmir Bushati

Ditën e sotme u mblodh Komiteti i Monitorimit IPA në Tiranë për të diskutuar mbi progresin në zbatimin e financimeve të BE-së për Shqipërinë.

Takimi u drejtua nga ministri për Evropën dhe Punët e Jashtme Ditmir Bushati dhe Shefja e Njësisë për Shqipërinë dhe Bosnje-Hercegovinën në Drejtorinë e Përgjithshme për Politikën Evropiane të Fqinjësisë dhe Negociatat e Zgjerimit të Komisionit Europian, Michela Matuella,

Diskutimet u fokusuan në programimin e financimeve të ardhshme dhe në efektivitetin e përgjithshëm, në cilësinë dhe koordinimin e zbatimit të programeve në vazhdim.

Autoritetet shqiptare kanë dhënë një përditësim të plotë mbi progresin në sektorët e ndryshëm.

BE-ja ka rikonfirmuar përkushtimin e saj për ta mbështetur Shqipërinë në zbatimin e reformave, duke u përqendruar te qeverisja, drejtësia dhe shteti ligjor, ndërlidhja, konkurrenca dhe zhvillimi socio-ekonomik.

BE-ja nënvizoi nevojën për të siguruar monitorimin dhe koordinimin e reformave, konsistencën mes strategjive dhe ndarjet e buxhetit, si dhe koordinimin e ngushtë me gjithë komunitetin e donatorëve në vend. Rëndësia e programeve rajonale të BE-së u theksua gjithashtu në funksion të gjashtë nismave më të rëndësishme të Komunikimit më të fundit të Komisionit për Ballkanin Perëndimor.

Përfaqësues të Shteteve Anëtare të BE-së dhe të shoqërisë civile, si dhe anëtarë të Këshillit Kombëtar për Shoqërinë Civile morën pjesë si vëzhgues.

Sondazh

Më shumë në këtë kategori: « “Ta mbarojë ose të mbarojë”, Rama paralajmëron ministrin për rrugën Tiranë -Elbasan
Takim me Aldo Baren? Etilda Gjonaj i përgjigjet ashpër Nokës: Je i diskretituar »
Article Logic
Execution time: 0.015213966369629
array(1) { ["section"]=> string(44) "zhvillohet-ne-tirane-takimi-vjetor-be-113164" }