10 raste të reja me COVID-19 në Kosovë, shkon në 955 numri i të infektuarve

Publikuar tek: rajon, më 06:57 16-05-2020 10 raste të reja me COVID-19 në Kosovë, shkon në 955 numri i të infektuarve Foto ilustruese

Janë konfirmuar 10 raste të reja me koronavirus në 24 orët e fundit në Kosovë.

Numri i të prekurve në Kosovë ka shkuar në 955, ndërsa në 24 orët e fundit ka patur edhe një të shëruar.

Rastet e reja pozitive janë raste kontakti, nga komuna e Vushtrrisë 4 raste, Ferizaji 4 dhe nga një rast në Prishtinë dhe Randobravë të Prizrenit.

Njoftimi i IKSHPK-së:

DHJETË RASTE ME COVID-19 DHE NJË I SHËRUAR!

Sot më 15 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 236 mostra të marra nga Klinika Infektive dhe gjurmimi i kontakteve të rasteve në terren.

Me SARS-CoV-2, janë konfirmuar 10 raste.

Rastet pozitive janë raste kontakti nga: komuna e Vushtrrisë 4 raste (sipas vendbanimit: 4 raste Vushtrri), komuna e Ferizajit 4 raste (sipas vendbanimit: 3 raste Ferizaj dhe 1 rast Rahovicë) dhe me nga 1 rast vendbanimet: Prishtinë dhe Randobravë-Prizren.

Sot më 15 maj 2020, është shëruar edhe 1 pacient derisa numri i përgjithshëm i të shëruarve deri më sot është gjithsej 691 raste.

Nga data 08 shkurt deri më 15 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 11.178 mostra të dyshimta në virusin SARS-CoV-2 dhe prej tyre pozitive rezultojnë gjithsej 955 raste, me gjithsej 29 raste të vdekjes të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

Sondazh

Më shumë në këtë kategori: « ‘Të hapet kufiri, por s’di me kë të bisedojë’, Kurti reagon për batutën e Ramës: Unë jam kryeministri në detyrë, nëse ndonjë ka dilema…
Fillon sezoni turistik, nga sot hapen plazhet në këtë shtet europian »
Article Logic
Execution time: 0.011184930801392
array(1) { ["section"]=> string(81) "10-raste-te-reja-me-covid-19-ne-kosove-shkon-ne-955-numri-i-te-infektuarve-206553" }