11 vjet nga dita kur Shqipëria u bë anëtare e NATO-s, ministrja Xhaçka: Krenar për Forcat e Armatosura, për çdo djalë e vajzë në uniformë

Publikuar tek: aktualitet, më 19:29 04-04-2020 11 vjet nga dita kur Shqipëria u bë anëtare e NATO-s, ministrja Xhaçka: Krenar për Forcat e Armatosura, për çdo djalë e vajzë në uniformë

Ministrja e Mbrojtjes Olta Xhaçka ka kujtuar sot 11 vjetorin e anëtarësimit të Shqipërisë në Aleancën e Atlantikut të Veriut (NATO).

Xhaçka u shpreh falënderimet e saj të gjithë atyre që kanë punuar për të bërë Shqipërinë anëtare me të drejta të plota në NATO, ndërsa nuk harron dhe aleatët e fuqishëm të vendit tonë, SHBA.

“…ka shumë arsye për t’u ndjerë krenar për Forcat e Armatosura. Për çdo djalë e vajzë e burrë e grua në uniformë. Falë punës e përkushtimit të tyre FA ia kanë dalë në këto 11 vjet të fitojnë respektin e admirimin partnerëve e aleatëve, duke dhënë një kontribut të jashtëzakonshëm në misionet e Aleancës, shumë më të madh sesa kontributi që do t’i takonte normalisht një vendi me përmasat e Shqipërisë”, shkruan ndër të tjera Olta Xhaçka, ministre e Mbrojtjes.

DEKLARATA E PLOTË:

Sot mbushen 11 vjet nga dita e anëtarësimit të Shqipërisë në NATO. Është një ditë historike për mbarë shqiptarët. Një ditë kur Shqipëria u bë anëtare e aleancës më të madhe ushtarake që ka njohur historia. Prandaj, sot dua t’ju shpreh falënderimet e mia të gjithë atyre që kanë punuar aq shumë për ta bërë realitet këtë aspiratë të shqiptarëve. E dua po ashtu t’u shpreh falënderimet gjithë aleatëve, në veçanti Shteteve të Bashkuara të Amerikës, që besuan tek Shqipëria dhe e mirëpritën Shqipërinë në radhët e aleatëve.

Sot do të duhet të ishte një ditë për të festuar. Çka sigurisht nuk është e mundur sepse sot përballemi me një luftë, ndryshe nga luftërat konvencionale për të cilat është krijuar NATO, me një armik të padukshëm e të panjohur, por po aq të rrezikshëm sa çdo armik konvencional.

Ama, ka shumë arsye për t’u ndjerë krenar për Forcat e Armatosura. Për çdo djalë e vajzë e burrë e grua në uniformë. Falë punës e përkushtimit të tyre FA ia kanë dalë në këto 11 vjet të fitojnë respektin e admirimin partnerëve e aleatëve, duke dhënë një kontribut të jashtëzakonshëm në misionet e Aleancës, shumë më të madh sesa kontributi që do t’i takonte normalisht një vendi me përmasat e Shqipërisë.

Por sot, FA janë angazhuar në misionin e tyre më të vështirë duke rrezikuar sot jetën e shëndetin, në vijën e parë të frontit të luftës, për të garantuar shëndetin dhe jetën e qytetarëve shqiptarë. Këta djem e vajza, burra e gra në uniformë na kanë bërë shpesh të ndihemi krenarë, me mënyrën si kanë performuar në misione nga Afganistani në Irak, me mënyrën si ju kanë ardhur në ndihmë qytetarëve të rrezikuar nga përmbytjet e të bllokuar nga dëbora. Por kurrë si sot, nuk jam ndjerë krenare për çdonjërin prej tyre!

Ata 5000 efektivë të shpërndarë sot në çdo anë e kënd të Shqipërisë për të ndihmuar çdo familje e çdo qytetar në nevojë, janë sot prova më e bukur dhe më e fortë e transformimit të madh që ka pësuar FA duke u kthyer në një forcë vërtet të denjë për një vend anëtar të NATO!

Sondazh

Article Logic
Execution time: 0.012192964553833
array(1) { ["section"]=> string(141) "11-vjet-nga-dita-kur-shqiperia-u-be-anetare-e-nato-s-ministrja-xhacka-krenar-per-forcat-e-armatosura-per-cdo-djale-e-vajze-ne-uniforme-201365" }