2 policë pezullohen, 4 të tjerë masë të rëndë disiplinore, policia sqaron arratisjen e bujshme nga komisariati

Publikuar tek: aktualitet, më 11:40 17-04-2017 2 policë pezullohen, 4 të tjerë masë të rëndë disiplinore, policia sqaron arratisjen e bujshme nga komisariati Foto ilustruese

Arratiset një person nga komisariati i Shkodrës, përgatitet urdhëri i pezullimit disiplinor për 2 punonjësit e policisë dhe fillon ecuri e rëndë disiplinore për 4 punonjësit e tjerë.

Mësohet se shtetasi K. Docaj po merrej në pyetje lidhur me një plagosje kur është arratisur nga komisariati. Fill pas ngjarjes, janë marrë edhe masat përkatëse per zyrtarët e komisariatit të Shkodrës.

NGJARJA:

Nga veprimet e para proceduriale të kryera  për ngjarjen e ndodhur me datë 16.04.2017, rreth orës 03:00, në lagjen Tom Kola, në vendin e  quajtur “Dugajt e Reja”, ku është dëmtuar xhami i parë si dhe është qëlluar me armë zjarri pistolete xhami i pasëm i automjetit tip Benz, me targë AA487AN, i cili ka qënë i parkuar dhe është në pronësi të shtetasit N. L, 51 vjeç, banues në lagjen Skëderbeg, rezultoi se:

Në vendin e ngjarjes janë gjetur dhe sekuestruar në cilësinë e provës materiale 5 gëzhoja model 54 kalibri 7.62 mm, automjeti i dëmtuar  dhe automjeti AA740GN, që është në përdorim nga shtetasi Zef Sokoli dhe dyshohet se është përdorur nga autorët e ngjarjes. 

Në lidhje me këtë rast si autorë të dyshuar u  arrestuan shtetasit:

Zef Sokoli, 24 vjeç,  banues në fshatin Grude e Re, Shkodër, për veprat penale “Prodhimi dhe mbajtja pa leje e armëve luftarake dhe e municionit“, “Prishje e qetësisë publike”, “Kanosje”, “Shkatërrim Prone“, kryer në bashkëpunim të parashikuara nga nenet  84 , 150 , 274 , 278 , 25 të Kodit Penal. 

Valentin Ndreu, 23 vjeç, banues në fshatin Grude e Re, Shkodër, për veprat penale “Prodhimi dhe mbajtja pa leje e armëve luftarake dhe e municionit“, “Prishje e qetësisë publike”, “Kanosje”, “Shkatërrim Prone “, kryer në bashkëpunim të parashikuara nga nenet  84 , 150 , 274 , 278 , 25 të Kodit Penal. 

Gjithashtu u bë shpallja në kërkim e shtetasit:

K. D, 24 vjeç,  banues në lagjen “Skenderbeg“,  Shkodër, për veprat penale të “Prodhimi dhe mbajtja pa leje e armëve luftarake dhe e municionit” , “Prishje e qetësisë publike” , “Kanosje”, “Shkatërrim Prone“ e kryer në bashkëpunim dhe “Kundërshtimit të punonjësit të rendit publik”, të parashikuara nga nenet  84 , 150 , 274 , 278 , 25 e 236 të Kodit Penal. 

 Ky shtetas  ka qënë në statusin e të shoqëruarit dhe  ka arritur të largohet forcërisht nga ambjentet e Komisariatit të Policisë Shkodër.

Nga ana e Policisë po vijon puna për kapjen e tij. 

Ngjarja ka ndodhur për motive të dobëta pasi autorët e dyshuar kanë debatuar me dy persona të paidentifikuar ende.

Materialet i kaluan  Prokurorisë së Rrethit Gjyqësor Shkodër për veprime te mëtejshme. 

Gjithashtu për këtë rast, ku janë shkelur procedurat standarte për ruajtjen dhe shoqërimin e shtetasve në ambjentet e Policisë,  kanë filluar hetimet nga Drejtoria Vendore Policisë Shkodër, nga Drejtoria e Standarteve Tiranë pranë Drejtorisë së Policisë Shtetit, si dhe SH. Ç. B. A. 

U përgatit urdhëri i pezullimit disiplinor për 2 punonjësit e policisë dhe filloi ecuri e rëndë disiplinore për 4 punonjësit e tjerë.

Sondazh

Më shumë në këtë kategori: « Ukraina dritë jeshile eksportit të produkteve shqiptare të mishit dhe qumështit
Peshkonte me korent në lumë, humb jetën 14-vjeçari në Erzen »
Article Logic
Execution time: 0.011919021606445
array(1) { ["section"]=> string(114) "2-police-pezullohen-4-te-tjere-mase-te-rende-disiplinore-policia-sqaron-arratisjen-e-bujshme-nga-komisariati-75445" }