5 pikë në 4 ndeshje, trajneri i TIRANËS nuk pret: I paraqita dorëheqjen presidentit

Publikuar tek: sport, më 19:20 23-11-2019 5 pikë në 4 ndeshje, trajneri i TIRANËS nuk pret: I paraqita dorëheqjen presidentit Trajneri i Tiranës Julian Ahmataj pas përfundimit të ndeshjes me Skënderbeun 2-1

Trajneri i Tiranës Julian Ahmataj bëri me dije se u ka komunikuar lojtarëve në dhomat e zhveshjes dorëheqjen pas humbes 2-1 ndaj Skënderbeut në javën e 13-ë të kampionatit shqiptar.

5 pikë në 4 ndeshje (1 fitore, 2 barazime dhe 1 humbje) e kanë shtyrë teknikun e 24-herë kampionëve të Shqipërisë që të vendosë për t’u larguar nga pankina bardheblu. Pas takimit me korçarët, Ahmataj theksoi se ia ka paraqitur vendimin e tij presidentit dhe drejtorit të klubit të Tiranës. 

“Nuk mendoj se ia falëm pjesën e parë Skënderbeut. Është për të ardhur keq që pësojmë të tilla gola. Kemi mundësi shkojmë deri te porta dhe nuk godasin portën. Janë gjëra që duhen rregulluar dhe vijnë gradual. Këtu sa vendosin një trajner, mendojnë ta heqin. Kështu nuk punohet. I kam paraqitur dorëheqjen presidentit dhe drejtorit të klubit. Nëse jam unë e keqja, mirë. Nuk ka lidhje gjendja emocionale. Të humbësh ndaj një skuadre që shkon 3 herë në portë, duke shkuar edhe më pak lojtarë ekipi tjetër, kjo është e habitshme. Më ka prerë hovin kjo gjë.

Kemi punuar 3-4 herë për ta spostuar kundërshtarin. Çdo gjë është përgatitur shumë mirë. Ndeshja ishte përgatitur në mënyrën më të mirë. Më thoni pse nuk funksionoi një goditje standarte? Kemi punuar shumë goditje standarte. Pse Muçit i ngeli të marrë përsipër? Ta ndihmojmë ne atë të ecim përpara.

Ka patur mbi 10 situata ku lojtarët nuk bëjnë atë që në pregatitim në stërvitje. Kemi punuar mbi 16 goditje standarte, por nuk funksionon asnjë. Këtë dua të di pse nuk funksionon? Trajneri ka përgjegjësitë e lojës. Unë mbaj përgjegjësitë e lojës e mbyll vetë këtë. Ne nuk duhet ta mbajmë vendin e punës me zor. Lojtarët kanë dhënë maksimumin.

Më mirë të marr riskun dhe unë po largohem që të vazhdojnë dhe të qetësohen gjërat. Tek Tirana sapo vendoset një trajner mendohet për t’u hequr. Nëse gjërat nuk rregullohen brenda atij konturit që unë do vendos do ta shikoj situatën. Në dhomat e zhveshjes u dhashë dorën të gjithë E njihja këtë ambient. Nuk arrija të kuptoja që gjërat ishin në këtë stad. Duhet të ndryshojnë ujërat brenda skuadrës në të mirë të skuadrës. E marr unë këtë përgjegjësi’’, deklaroi pas humbjes me Skënderbeun 2-1 Ahmataj.

Ndërkohë, fati i tij do të vendoset në ditët e ardhshme nga presidenti Halili.

Personazhi i vitit 2019

Sondazh

Article Logic
Execution time: 0.0075919628143311
array(1) { ["section"]=> string(88) "5-pike-ne-4-ndeshje-trajneri-i-tiranes-nuk-pret-i-paraqita-doreheqjen-presidentit-186947" }