8 Dhjetori/ Meta mesazh rinisë: Faleminderit që keni shërbyer për tërmetin, nderim dhe për Azem Hajdarin…

Publikuar tek: aktualitet, më 08:48 08-12-2019 8 Dhjetori/ Meta mesazh rinisë: Faleminderit që keni shërbyer për tërmetin, nderim dhe për Azem Hajdarin…

Presidenti Ilir Meta ka dhënë një mesazh në kuadër të Ditës së Rinisë.

Përmes një statusi në ‘Facebook’, ai falenderon të gjithë të rinjtë që kanë ndihmuar në mënyrë vullnetare, duke ju bashkuar kauzës solidare të banorëve të prekur nga tërmeti.

Meta i inkurajon në shembullin e të rinjve të 29 viteve më parë, të cilët vërshuan në rrugët e sheshet e Tiranës për ta ndarë Shqipërinë nga errësira dhe izolimi, dhe për ndërtimin e një të ardhmeje të sigurtë drejt Europës.

Kreu i Shtetit shpre nderim edhe ndaj veprës së liderit të Lëvizjes Studentore, Azem Hajdarit dhe të gjithë studentëve të Dhjetorit '90.

Statusi i plotë:

Me mijëra të reja e të rinj shqiptarë, të organizuar vullnetarisht brenda e jashtë vendit që në momentet e para të tërmetit tragjik të 26 nëntorit, po udhëheqin kauzën e solidaritetit për banorët e prekur rëndë nga kjo fatkeqësi natyrore e pabesë që goditi vendin.

Përpjekjet e tyre të palodhura për mbledhjen e ndihmave materiale, fondeve dhe shërbimeve që po i ofrojnë komunitetit ditë-natë, janë sa emocionuese, po aq frymëzuese, dhe shembulli më konkret i Shqipërisë njerëzore për të cilën kemi nevojë më shumë se kurrë.

Ndaj sot me rastin e 8 Dhjetorit, Ditës së Rinisë, dua të falënderoj me mirënjohje të thellë, emër për emër, çdo vajzë e djalë, që shërben si vullnetar në shërbim të komunitetit.

Jeni të mrekullueshëm dhe të jashtëzakonshëm!

Ju inkurajoj dhe ju mbështes, që në shembullin e të rinjve dhe të rejave, të cilët 29 vite më parë vërshuan në rrugët e sheshet e Tiranës për ta ndarë Shqipërinë nga errësira dhe izolimi, të merrni në dorë, falë shpirtit të lirë, energjisë, guximit, kurajos dhe idealeve të pastra, fatet e atdheut tonë, duke udhëhequr proceset demokratike për ndërtimin e një të ardhmeje të sigurtë dhe europianizmit të plotë të Shqipërisë.

Nderim përjetë veprës së liderit të Lëvizjes Studentore, Azem Hajdarit dhe të gjithë studentëve të Dhjetorit '90!

"E duam Shqipërinë si gjithë Europa!" ??

Demokracia nuk negociohet, por vetëm mbrohet dhe me çdo çmim! 

Sondazh

Article Logic
Execution time: 0.007774829864502
array(1) { ["section"]=> string(108) "8-dhjetori-meta-mesazh-rinise-faleminderit-qe-keni-sherbyer-per-termetin-nderim-dhe-per-azem-hajdarin-188748" }