A është e ardhmja e serverëve nën ujë? Eksperimenti i Microsoft…

Publikuar tek: bota, më 23:41 20-09-2020 A është e ardhmja e serverëve nën ujë? Eksperimenti i Microsoft…

Shumëkombëshja me seli në Redmond ka përfunduar testin e parë të një projekti për transferimin e serverëve në kontejnerë që do të zhyten në fund të Oqeanit. Rezultatet janë befasuese

Serverët e Microsoft do të përfundojnë në fund të detit. Jo, kjo nuk ka të bëjë me fundosjen e gjigantit me seli në Redmond, por me një strategji të re për menaxhimin e data center (qendrave të të dhënave) të kompanisë shumëkombëshe.

Pas dy vjetësh, eksperimenti ka dhënë rezultate befasuese. Sot, ideja e qendrave të kërkimit dhe zhvillimit të Microsoft është zgjatja e këtij eksperimenti, drejt një të ardhme “nën det” të qendrave të të dhënave. Këto ditë përfundoi testi i parë i një mënyre të re të menaxhimit të serverëve që mbajnë në këmbë Microsoft.

Një qendër e vogël e të dhënave (data center) u fundos në Detin e Veriut, në rreth 35 metra thellësi, duke ndjekur një projekt që shumë e cilësonin të paqëndrueshëm, me emrin ‘Project Natick’. Qëllimi ishte të verifikohej nëse qendra e të dhënave mund të rezistonte dhe të vazhdonte të funksiononte në kushte ekstreme, si për shembull zhytja në ujin e detit, në temperatura të ulëta dhe në një thellësi mesatare. Në kontejnerin e vogël që u zhyt në fund të detit, kishte 864 serverë, natyrisht të lidhur me një kabllo nënujore me tokën.

Objektivi ishte edhe verifikimi nëse një sistem i tillë mund të ishte funksional për një shpërndarje më të mirë të nxehtësisë që prodhohet nga qendrat e të dhënave, duke kursyer energji për sistemet e kondicionimit dhe duke përdorur më pak energji elektrike, si për ushqyerjen e vetë serverëve, por edhe pajisjeve për ftohje. Rezultatet, është pak të thuash, ishin entuziazmuese. Serverët u gjetën në kushte më të mira se të njëjtat pajisje në tokë, por edhe rreziqet e lagështirës dhe ndryshimit të temperaturës u reduktuan në minimum, gjë që nuk ndodhi për të njëjtat pajisje të instaluara në tokë.

Kështu, Microsoft ka vendosur të vijojë eksperimentimin me ‘Project Natick’, aq sa në muajt e ardhshëm do të instalojë qendra të tjera të dhënash brenda kontejnerëve nën ujë, të cilët do të zhyten në zona të ndryshme të oqeanit. Objektivi përfundimtar është edhe ripërdorimi i serverëve që, në tokë, arrijnë fundin e jetës së tyre të dobishme – me pak fjalë zgjatja e përdorimit të tyre për më shumë kohë se sa pritej, me kursime të konsiderueshme dhe riciklimi i pajisjeve që ruajnë të dhënat e kompanisë Redmond.

Një faktor tjetër i rëndësishëm në planet e Microsoft është transformimi i qendrave të mëdha të të dhënave, që zënë hapësirë dhe konsumojnë energji në më shumë “kontejnerë” të cilët, të zhytur në ujë, do të zvogëlojnë edhe ndikimin në mjedis./Monitor

Si e vlerësoni punën e secilit ministër të qeverisë Rama 2?

Votoni nga 1 te 10 (1 nenkupton shumë keq, 10 nënkupton shumë mirë)

Anila Denaj - Ministre e Financave
Arben Ahmetaj - Ministër i Shtetit për Rindërtimin
Belinda Balluku - Ministre e Infrastukturës dhe Energjitikës
Bledi Çuçi - Ministër i Bujqësisë
Blendi Klosi - Ministër i Turizmit
Eduard Shalsi - Ministër Shteti për Mbrojtjen e Sipërmarrjes
Elisa Spiropali - Ministre e Shtetit për Marrëdhëniet me Parlamentin
Elva Margariti - Ministre e Kulturës
Etilda Gjonaj - Ministre e Drejtësisë
Evis Kushi - Ministre e Arsimit, Rinisë dhe Sportit
Ogerta Manastirliu - Ministre e Shëndetësisë
Olta Xhaçka - Ministre e Mbrojtjes
Pandeli Majko - Ministër i Diasporës
Sandër Lleshaj - Ministër i Brendshëm

Sondazh

Article Logic
Execution time: 0.012985944747925
array(1) { ["section"]=> string(69) "a-eshte-e-ardhmja-e-servereve-nen-uje-eksperimenti-i-microsoft-221057" }