A u rrit sot çmimi i ujit në Tiranë? Është i nevojshëm një sqarim ligjor

Publikuar tek: aktualitet, më 21:39 26-07-2017 A u rrit sot çmimi i ujit në Tiranë? Është i nevojshëm një sqarim ligjor

Debati më i madh i ditëve të fundit, është ai i rritjes së çmimit të ujit të pijëshëm në Tiranë.

Këshilli Bashkiak i Tiranës miratoi sot propozimin për ERRU që të rrisë me 40% çmimin e ujit. Nga shumëkush ky akt i këshilltarëve të Tiranës u konceptua si rritje automatike  e çmimit të ujit. Por në fakt realiteti është i kundërt. Pasi institucioni vendimmarrës për këtë gjë është Enti Rregullator i Ujit, një institucionin pavaruar. Lidhur me këtë çështje dhe interpretimin e tij ligjior, është shprehur edhe ish Ministri Drejtësisë Ylli Manjani, i cilli me anë të një statusi në rrjetet sociale ka sqaruar disa paqartësi për këtë histori.

Më poshtë i plotë sqarimi ligjor i Ylli Manjanit:

Shënim ligjor:

Çmimi i ujit nuk vendoset nga Bashkia, përfshi edhe këshillin Bashkiak!

Enti Rregullator i Ujit që është institucion i pavarur është i autorizuar nga ligji për ta bërë këtë gjë. Enti vendos vetëm mbi kërkesën që bëjnë bashkitë dhe Shoqëritë e Ujsjellësve!

Debati në Këshillin Bashkiak është nëse duhet të ketë një propozim për çmim të ri apo jo. Vendimi i Këshillit të Bashkisë Tiranë nuk çon automatikisht në ndryshimin e çmimit.

Enti Rregullator vendos vetë mbi bazë analize të performancës së UKT dhe jo mbi bazë dëshirash politike të askujt. Enti merr informacion të plotë dhe madje edhe e heton këtë informacion, në lidhje me:

1. Treguesit ekonomikë të shoqërisë në tërësi.

2. Ecuria financiare e saj. Të ardhurat dhe shpenzimet e sakta jo ato që dalin në media për propagandë.

3. Planin e investimeve të shoqërisë dhe nevoja për investime te reja.

4. Gjendja e matësave të ujit dhe mbulimi i konsumatorëve me matës.

5. Sasinë e humbjeve në rrjet dhe planin për reduktimin e tyre.

6. Situatën organizative të shoqërisë dhe zbatimi i detyrave të lëna nga Enti në vite.

Këto tregues dhe të tjerë të detajuar janë ato që i interesojnë Entit për të gjykuar teknikisht mbi nevojën për një çmim të ri ose jo.

Enti e vendos të gjithë këtë analizë tekniko-ekonomike edhe në kontekstin social. Enti merr në konsideratë edhe ndikimin e çmimit të propozuar në të ardhurat për frymë që njihem zyrtarisht në bashkinë e Tiranës. Enti kërkon të dijë eshe politikën e fashave mbrojtëse për shtresa sociale që goditen nga ky propozim.

Pra Enti është vendi ku ligjërisht trajtohen të gjitha çështjet që ngrihen edhe nga politika, por edhe nga njerëzit jo politikë.

Enti mund ta rrëzojë propozimin; ta pranojë atë plotësisht; ta pranojë pjesërisht ose ta miratojë me ndryshime. Është vetëm vendimi i Entit ai që sjell pasojë!

Politika nuk e zgjidh dot këtë çështje! Koha ka treguar se për këto çështje as shtohen e as pakësohen votat për partitë. Po të kishte ndonjë ndikim vështirë se do gjendej politikan që do kërkonte rritje çmimi.

Politika ndërkohë bën mirë të kthejë demokracinë në vend dhe të nxisë më shumë debat e pjesmarrje të njerëzve në çështje të demokracisë që po nëpërkëmbet nga populizmi dhe improvizimi diletant!

Në pritje të vendimit të Enti Rregullator të Ujit (ERRU).

Sondazh

Article Logic
Execution time: 0.010432958602905
array(1) { ["section"]=> string(77) "a-u-rrit-sot-cmimi-i-ujit-ne-tirane-eshte-i-nevojshem-nje-sqarim-ligjor-87452" }