Aeroporti “Nënë Tereza” ndërron pronar, kinezët njoftojnë zyrtarisht nënshkrimin e marrëveshjes

Publikuar tek: ekonomi, më 16:41 25-04-2016 Aeroporti “Nënë Tereza” ndërron pronar, kinezët njoftojnë zyrtarisht nënshkrimin e marrëveshjes

Grupi i shërbimeve financiare China Everbright me bazë në Hong Kong njoftoi zyrtarisht sot se ka nënshkruar marrëveshjen për blerjen e të drejtave koncesionare në Aeroportin Ndërkombëtar të Tiranës.

Ndërmarrja që do të marrë përsipër të drejtat e koncesionit është emërtuar, “Keen Dynamics Limited” dhe sipas marrëveshjes do t’i ushtrojë këto të drejta deri në vitin 2027, raporton Monitor.

China Everbright Limited është një kompani e shërbimeve financiare në menaxhimin e aseteve, investimeve direkte, ndërmjetësimit dhe bankingut investues në rajonin e Kinës, përfshirë dhe Hong Kongun. Kompania e saj mëmë është China Everbright Group, me pronësi shtetërore.

Aktualisht pronarët e Tirana international Airport janë: DEG-Deutsche investitions-und Entëicklungsgesellschaft mbH-31.7%; Albanian-American Enterprise Fund “AAEF”-21.3%; AviAlliance GmbH-47%.

Konsorciumi Tirana international Airport (dikur Tirana Airport Partners), në vitin 2004 nënshkroi një marrëveshje koncesionare 20 vjeçare me qeverinë shqiptare për projektimin, financimin, ndërtimin, kryerjen, funksionimin, menaxhimin dhe zhvillimin e Aeroportit Ndërkombetar “Nënë Tereza”, Tiranë.

Pak javë më parë, qeveria shqiptare arriti marrëveshje me Tirana international Airport për heqjen e eksluzivitetit të kësaj të fundit.

Sondazh

Article Logic
Execution time: 0.030701875686646
array(1) { ["section"]=> string(98) "aeroporti-nene-tereza-nderron-pronar-kinezet-njoftojne-zyrtarisht-nenshkrimin-e-marreveshjes-38643" }