Një grua shqiptare ka humbur jetën si pasojë e një aksidenti automobilistik në Itali.
Ngjarja e rëndë u raportua nga mediat vendase mbrëmë, pas mesnate. Sipas policisë, 37-vjeçarja me inicialet V.D u aksidentua në një autostradë në Catania, ndërsa nga përplasja i plagosur mbeti edhe një 27-vjeçar italian, i cili po drejtonte mjetin tjetër me të cilin u përplas makina e shqiptares.
Ajo drejtonte një makinë tip Ford dhe nga përplasja e fortë mes dy makinave, shqiptarja ka marrë dëmtime të mëdha në kokë, duke i shkaktuar vdekjen e menjëhershme.
