Policia e Vlorës ka reaguar në lidhje me aksidentin e rëndë të ndodhur mëngjesin e sotëm në aksin rrugor “Vlorë-Orikum”, në zonën e Radhimës, ku humbi jetën një person.
Sipas njoftimit të policisë, automjeti që drejtohej nga shtetasi V. R., 32 vjeç, është përplasur me mjetin që drejtohej nga shtetasi F. K., rreth 35 vjeç, si dhe me një tjetër automjet me drejtues shtetasin A. M., 31 vjeç.
Si pasojë e përplasjes së fortë, automjetet janë përfshirë nga flakët. Dy prej drejtuesve kanë mundur të dalin në kohë nga mjetet, së bashku me pasagjerët që ndodheshin me ta.
Fatkeqësisht, shtetasi F. K. ka mbetur i bllokuar brenda automjetit dhe si pasojë e flakëve, ka humbur jetën në vendngjarje.
Nga aksidenti kanë mbetur të plagosur edhe tre pasagjerë të huaj, të cilët udhëtonin në automjetin me drejtues shtetasin A. M., të cilët janë transportuar në spital.
Ndërkohë, drejtuesit e automjeteve, shtetasit V. R. dhe A. M., janë shoqëruar në Komisariat për kryerjen e veprimeve procedurale.
Vlorë/Informacion paraprak
Rreth orës 07:00, në aksin rrugor “Vlorë-Orikum”, në Radhimë, automjeti me drejtues shtetasin V. R., 32 vjeç, është përplasur me automjetin me drejtues shtetasin F. K., rreth 35 vjeç dhe me automjetin me drejtues shtetasin A. M., 31 vjeç. Pas përplasjes, automjetet janë përfshirë nga flakët.
Si pasojë e aksidentit ka humbur jetën shtetasi F. K.
Gjithashtu, janë dëmtuar 3 pasagjerë (shtetas të huaj) në automjetin me drejtues shtetasin A. M., të cilët janë transportuar në spital, për ndihmë mjekësore.
2 drejtuesit e automjeteve, shtetasit V. R. dhe A. M., janë shoqëruar në Komisariat, për veprime procedurale.
Grupi hetimor po punon për zbardhjen e rrethanave të aksidentit.
Sondazh
Lexo gjithashtu
