Autoritet Kombëtar i Ushqimit në vijim të masave për disiplinimin e therjes dhe tregtimit të mishit në funksion të garantimit të sigurisë ushqimore, bllokoi sot në qarkun e Vlorës, në qytetin e Delvinës, në një dyqan mishi katër qengja në sasinë e 20 kg.
Dyqani i mishit ishte në pronësi të shtetasit Fredi Myftari. Ky shtetas tregtonte mish pa vulë dhe në mungesë të çertifikatës veterinare.
Përveç bllokimit të sasisë së mishit, u vu dhe gjoba prej 100 mijë lekëve.
