Akuzat ndaj Becchettit, zbardhet dosja e Prokurorisë, përfitoi miliona euro nga “Kalivaçi”

Publikuar tek: aktualitet, më 16:36 09-06-2015 Akuzat ndaj Becchettit, zbardhet dosja e Prokurorisë, përfitoi miliona euro nga “Kalivaçi”

Mbi pronarin e “Agon Channel”, shtetasin italian Francesco Becchetti rëndojnë dy akuza, ajo e “falsifikimit të dokumenteve” dhe “mospagimit të taksave”.

Në dosjen e Prokurorisë, në qendër të hetimeve është Hidrocentrali i Kalivaçit, një vepër që nuk u ndërtua kurrë. Sipas prokurorisë Becchetti ka arritur që me anë të nënkontraktorëve për punimet në këtë hidrocentral, ta rrisë koston 23 herë. Nga kjo rritje kompania “Energji” e kontrolluar në mënyrë absolute nga nëna e tij, Liliana Kondomiti, përfitoi 14 milionë dollarë, nga viti 2007 në vitin 2013.

Në dosjen e Prokurorisë, në qendër të hetimeve është Hidrocentrali i Kalivaçit, një vepër që nuk u ndërtua kurrë. Sipas prokurorisë Becchetti ka arritur që me anë të nënkontraktorëve për punimet në këtë hidrocentral, ta rrisë koston 23 herë. Nga kjo rritje kompania “Energji” e kontrolluar në mënyrë absolute nga nëna e tij, Liliana Kondomiti, përfitoi 14 milionë dollarë, nga viti 2007 në vitin 2013.

Sipas burimeve nga Policia e Shtetit dhe Prokuroria bëhet me dije se Francesco Beccheti që prej 4 muajsh e gjysmë nuk ndodhet në Shqipëri. 49-vjeçari pronar i AgonSet ka dalë nga Shqipëria më datë 24 janar të vitit 2015 dhe ende është e paqartë vendndodhja e tij.

Në dokument, grupi hetimor thotë se ka arritur të provojë skemën përmes së cilës, biznesmeni italian ka kryer rreth 770 milionë lekë evazion fiskal në dëm të shtetit. Sipas tyre, në qendër të skemës qendron hidrocentrali i Kalivaçit dhe dy shoqëri të zotëruara nga Becchetti, KGE dhe Energji.

Prokurorët thonë se shoqëria Energji, e zotëruar nga Becchetti, ka blerë punime nga nënkontrakorë të tjerë. Më pas, këto punime ia ka shitur shoqërisë tjetër të Becchettit me emrin KGE, por me çmime dhe sasi të fryra në mënyrë artificiale. Sipas prokurorëve, vlera e punimeve që Energji i shiste KEG-së rritej fiktivisht deri në 23 herë, duke bërë që kompania të rrisë në mënyrë fiktive kreditimin e TVSH-së.

Vetëm në vitin 2009, thonë prokurorët, përmes kësaj skeme, kompania ka kërkuar rimbursim për 45 milionë lekë TVSH. Kjo skemë është përsëritur vit pas viti dhe prokurorët e kanë ilustruar atë me shifrat përkatëse për çdo vit, që nga viti 2007.

Paralelisht, sipas grupit hetimor, një tjetër fakt i provuar që implikon Becchetin dhe kompanitë e tij në mashtrim financiar, është ai i ndërtimit të digës së hidrocentralit. Sipas prokurorëve, kompania ka dorëzuar dokumente sikur ka ndërtuar një digë në vlerën 3.4 milionë euro. Por, është provuar se kjo digë nuk është ndërtuar kurrë.

Prokurorët kanë zbardhur vit pas viti të gjitha veprimet financiare, që sipas tyre, provojnë përfshirjen e Becchettit dhe kompanive të tij në këtë skemë mashtrimi dhe evazioni.

Paralelisht, prokuroria rendit dhe një tjetër fakt të dyshimtë, për të cilin dyshon se është zanafilla e pastrimit të parave. Sipas saj, në vitin 2009, dy kompani të Becchettit, KGE dhe Energji, kanë sajuar mes tyre një konflikt, për zgjidhjen e të cilit i janë drejtuar Gjykatës së Arbitrazhit në Tiranë. Sipas prokurorëve, të dyja shoqëritë kanë dorëzuar dokumente të rreme në gjykatë, në të cilat pretendohej se shoqëria Energji kishte kryer punime për favor të shoqërisë KGE, por nuk ishte paguar.

Në bazë të këtyre dokumenteve, sipas prokurorëve, të falsifikuara, gjykata ka marrë vendim për të zgjidhur konfliktin duke detyruar shoqërinë KGE të paguajë për shoqërinë Energji, të dyja të zotëruara nga Becchetti, 48 milionë euro.

Sondazh

Më shumë në këtë kategori: « Prodhonin pije alkoolike me etiketa false të markave të huaja, arrestohen 4 persona
Vrasja e trefishtë në Thumanë, arrestohen dy vëllezërit Kora »
Article Logic
Execution time: 0.0054500102996826
array(1) { ["section"]=> string(92) "akuzat-ndaj-becchettit-zbardhet-dosja-e-prokurorise-perfitoi-miliona-euro-nga-kalivaci-13117" }