Albana Vokshi i kërkon llogari Lindita Nikollës: Jep informacion të detajuar për shkollat e përmbytyra

Publikuar tek: politike, më 17:51 06-12-2017 Albana Vokshi i kërkon llogari Lindita Nikollës: Jep informacion të detajuar për shkollat e përmbytyra

Kryetarja e Komisionit Parlamentar të Arsimit, Albana Vokshi, i kërkoi Ministres Lindita Nikolla të japë informacion të detajuar e të bëjë publike situatën e shkollave të përmbytura, sa është numri i fëmijëve që sot e kanë të pamundur të vazhdojnë mësimin dhe cilat janë nevojat e tyre në tekste e mjete shkollore, dhe cila është përgjegjësia e ministrës për Arsimin Parashkollor.

Shqetësimin e saj, zonja Vokshi e bëri publik edhe në faqen e saj në Facebook, pasi njoftimi i Ministrisë flet për 27 shkolla, ku akoma nuk ka nisur mësimi, por nuk jep ansjë informacion tjetër për gjendjen e tyre, edhe pse Lindita Nikolla është anëtare e Komitetit për Emergjencat Civile. 

Vokshi thotë se ministrja duhet ta thyejë heshtjen, si dhe t’u përgjigjet disa pyetjeve, për të cilat i detyrohet publikut.

Pyetjet e Albana Vokshit jan​ë:

Në çfarë shkalle janë dëmtuar 27 institucionet arsimore ne vend? Cila është përgjegjësia e Ministrisë se Arsimit ndaj arsimit parashkollor? Si është situata e shkollave në të cilat nuk ka filluar mësimi? Sa prej tyre mund të riparohen, sa prej tyre kërkojnë rikonstruksion të plotë dhe ne sa prej tyre është i pamundur rifillimi i procesit mësimor për shkak të dëmeve të mëdha të pësuara?

Sa fëmijë të arsimit parauniversitar, kanë nevojë për tekste shkollore dhe mjetet mësimore prej familjeve që janë dëmtuar rëndë? Sa është parashikuar kosto për këto nevoja?

A ka një shifër të saktë ministria kur do të pajisen këta fëmijë me tekste dhe mjete mësimore bazë për vijimin normal të vitit shkollor 2017-2018?

A kemi shifra të përditësuar në lidhje me këtë situatë?

Sa prej shkollave rrezikojnë të mbyllen për shkak të rreshjeve të dëborës dhe shiut që priten të fillojnë në këtë fundjavë?

Sa kohë do të marrë riparimi i këtyre institucioneve dhe a mund te rihapen ato për këtë vit shkollor?

Si mendohet të realizohet përmbushja e detyrimeve të planit mesimor edukativ në këto institucione (pra a ka nje plan masash se kur do te zëvendësoni orët e humbura të mësimit)

Përse ministria anullon mësimin në mbarë vendin dhe atje ku nuk ka rrezik për "përmbytje" të mëdha dhe mësimi mund të vijojë normalisht? A është kjo paaftësi e qeverisë për përballimin e situatave "të tilla të renda", apo as nuk ka menduar për masa paraprake për situata të tilla të quajtura të jashtëzakonshme?

Sondazh

Article Logic
Execution time: 0.0120530128479
array(1) { ["section"]=> string(108) "albana-vokshi-i-kerkon-llogari-lindita-nikolles-jep-informacion-te-detajuar-per-shkollat-e-permbytyra-102188" }