AMA nuk pranoi Paketën 'Anti-shpifje', VOKSHI paralajmëron: Erdhi koha të mbrojmë shtyllën e fundit të demokracisë në Shqipëri! (DEKLARATA)

Publikuar tek: aktualitet, më 18:51 18-11-2019 AMA nuk pranoi Paketën 'Anti-shpifje', VOKSHI paralajmëron: Erdhi koha të mbrojmë shtyllën e fundit të demokracisë në Shqipëri! (DEKLARATA) Ish-deputetja e PD-së Albana Vokshi

Ish-deputetja e PD-së Albana Vokshi përshëndeti vendimin e Autoritetit të Mediave Audiovizive për të mos kaluar projektligjin ''Për mediat audiovizive në Shqipëri'' (Paketa Anti-shpifje).

Në një reagim zyrtar në profilin e saj në Facebook, Vokshi e quajti projektligjin e qeverisë socialiste si ''rikthim i kohës së dënimit të gazetarëve me agjitacion e propoagandë''.

Vendimin refuzues të 3 anëtarëve të AMA-s Sami Nezaj, Suela Mustës dhe Agron Gjekmarkajt, Vokshi e konsideron si ''mbrojtjen e shtyllës së fundit të demokracisë në Shqipëri''.

Mesazhi i Albana Vokshit pas vendimit të AMA-s për kthimin e ligjit ''Për mediat audiovizive në Shqipëri'':
Autoriteti i Medias Audiovizive (AMA) rrëzon ligjin e Ramës për censurën e medias online

Sot, shumica e Bordit të AMAs: Sami Neza, Agron Gjekmarkaj dhe Suela Musta, duke qëndruar në lartësinë e detyrës për të cilën janë votuar, kanë rrëzuar me shumicë votash (3 vota kundër dhe 2 vota pro) ligjin e rikthimit të dënimeve të gazetarëve për agjitacion e propagandë.

Nëpërmjet dy projektligjeve, të hartuara me urrejtje në zyrën e Edi Ramës, Autoriteti i Mediave Audio-Vizive dhe Autoriteti i Komunikimeve Elektronike dhe Postare urdhërohen me ligj nga Kryeministri, të vlerësojnë përmbajtjen editoriale të mediave, të gjobisin si dhe të mbyllin portalet që e kritikojnë atë duke marrë edhe kompetencat e gjykatave.

Këto pr.ligje janë kundërshtuar me forcë nga komuniteti i medias në Tiranë dhe dhjetra organizata ndërkombëtare e institucione europiane. Shtypja e të drejtave të gazetarëve dhe kontrolli i medias është denoncuar në të gjitha kancelaritë perëndimore dhe përkeqësimi i indeksit të lirisë së shtypit në Shqipëri ka ndikuar edhe në vendimin për negociatat.

Sot, tre anëtarët që nuk kontrollohen nga qeveria, duke mbajtur të njëjtin qëndrim me organizatat vendase dhe ndërkombëtare, e kundërshtuan pr.ligjin si antikushtetues dhe si cënim të lirisë së medias, lirisë së mendimit dhe të drejtës për informim. Ata shprehën shqetësimin për vlerësimin e përmbajtjes editoriale të mediave të shkruara si dhe kontrollin e tyre nga ana e qeverisë duke anashkaluar parimin e vetërregullimit, siç përcaktojnë direktivat e BE.

Duke përshëndetur këtë vendim të tre anëtarëve në Bordin e AMAs, PD gjen rastin të riktheksojë se dy pr.ligjet e hartuara nga Edi Rama, janë antikushtetuese, janë rrezik për lirinë e medias, lirinë e shtypit, të drejtën për informim si dhe cënim i demokracisë.

Censurimi me ligj i medias online, është pushteti i fundit që kërkon të marrë Edi Rama.

Është koha të mbrohet shtylla e fundit e demokracisë në Shqipwri!

Është koha të gjithë të reagojnë për të ndalur Kryeministrin që ka kapur të gjitha pushtetet.

Sapo të ketë besimin e qytetarëve për të qeverisur, Partia Demokratike do të anullojë menjëherë ligjet që shtypin lirinë e medias.

 

Sondazh

Article Logic
Execution time: 0.029927015304565
array(1) { ["section"]=> string(139) "ama-nuk-pranoi-paketen-anti-shpifje-vokshi-paralajmeron-erdhi-koha-te-mbrojme-shtyllen-e-fundit-te-demokracise-ne-shqiperi-deklarata-186344" }