Anëtari i AMA-s ndërmerr një nismë: Të ndalohen filmat e komunizmit në ekranet shqiptare

Publikuar tek: aktualitet, më 17:06 09-03-2017 Anëtari i AMA-s ndërmerr një nismë: Të ndalohen filmat e komunizmit në ekranet shqiptare

Anëtari i Autoritetit të Medias Audiovizive, Erald Kapri ndërmerr një nismë për ndalimin e filmave të komunizmit në ekranet shqiptare.

Sipas Kaprit propozimi i Agron Tufës, drejtorit të Institutit të Studimeve për Krimet dhe Pasojat e Komunizmit për ndalimin e këtyre filmave është i drejtë pasi siç thotë ai, shfaqja e tyre pa asnjë kriter në media është një dëm publik, një propagandë.

“Si anëtar i Këshillit të Ankesave në AMA do nis hapat institucionale për një vendimarrje për ndalimin e plotë të tyre, ose të shfaqes në një orar të caktuar dhe në mënyrë të paralajmëruar. Fëmijët dhe të rinjtë nuk duhet të shohin filma mediokër që promovojnë ‘njeriun e ri’”,-shkruan Kapri.

REAGIMI I PLOTË I ERALD KAPRIT, ANËTAR I AMA-S: 

Dëgjova me shumë interes në media mbi propozimin e shkrimtarit dhe kreut të Institutit të Studimeve për Krimet dhe Pasojat e Komunizmit, z Agron Tufa për ndalimin në ekranet shqiptare të filmave të komunizmit. 
E mbështes fort këtë ide dhe besoj se shfaqja e tyre pa asnjë kriter në media është një dëm publik, një propagandë që shpesh paraqet regjimin komunist si “si jo dhe aq të keq”.


Si anëtar i Këshillit të Ankesave në AMA do nis hapat institucionale për një vendimarrje për ndalimin e plotë të tyre, ose të shfaqes në një orar të caktuar dhe në mënyrë të paralajmëruar. Fëmijët dhe të rinjtë nuk duhet të shohin filma mediokër që promovojnë “njeriun e ri”. 
Në asnjë vend të Europës Lindore e aq më tepër në Gjermani apo në Itali nuk shfaqen filma apo dokumentarë të ish diktaturave. Kjo duhet të zbatohet edhe në Shqipëri. Personalisht, si studiues i periudhës së luftës dhe instalimit të diktaturës, kam ndjekur me interes çdo film apo dokumentar të diktaturës komuniste në Shqipëri dhe pothuaj të gjitha i gjen sot në youtube. Ndokush që ka interes i gjen onlinë, por dhënia e tyre në ekrane nuk është aspak legjitime.


Shpresoj të gjej mbështetje në këtë iniciative, nga vetë mediat të cilat ndoshta nuk kanë interes pasi mbushin orarin me këto filma që i blejnë për disa qindarka, nga gazetarët, studiuesit, shoqatat e ish të përdjekurve dhe shoqërisë shqiptare.

Sondazh

Më shumë në këtë kategori: « Kapet 1 ton e gjysmë kanabis në skaf drejt italisë, pranga dy vlonjatëve (VIDEO)
1 ton e gjysmë kanabis me gomone në Bari, Policia Shqiptare: U kap dje »
Article Logic
Execution time: 0.013254880905151
array(1) { ["section"]=> string(93) "anetari-i-ama-s-ndermerr-nje-nisme-te-ndalohen-filmat-e-komunizmit-ne-ekranet-shqiptare-71349" }