Anulloi delegacionin e vëzhgimit për zgjedhjet, ish-deputetja: Këshilli i Europës e tregoi qartë marrëzinë e 30 Qershorit

Publikuar tek: politike, më 13:49 26-06-2019 Anulloi delegacionin e vëzhgimit për zgjedhjet, ish-deputetja: Këshilli i Europës e tregoi qartë marrëzinë e 30 Qershorit

Ish-deputetja, Klajda Gjosha, ka reaguar pasi Këshilli i Europës ka anulluar delegacionin e vëzhgimit që ishte programuar për zgjedhjet e 30 Qershorit  në Shqipëri.

Përmes një statusi në ‘Facebook’, Gjosha shprehet se ky është një tregues i qartë drejt marrëzisë në të cilën ka hyrë Shqipëria për të organizuar zgjedhje të pasigurta.

Gjosha thotë se refuzon të vrasë demokracinë në 30 Qershor, sepse nuk e pranon dot që një Shqipëri që ka sakrifikuar pafund për pluralizmin politik t’i rikthehet sërish dikaturës.

Statusi i plotë:

Këshilli Europës sapo mori hapin e parë të tërheqjes nga zgjedhjet e 30 Qershorit. Të gjitha fjalët e tjera, pas këtij veprimi do të ishin të tepërta.

Ky është një tregues i qartë drejt marrëzisë në të cilën ka hyrë Shqipëria për të organizuar zgjedhje të pasigurta, jo reale dhe duke mohuar të drejtën e mijëra qytetarëve shqiptarë të zgjedhin mes alternativave.

Jam e bindur që qytetarët e ndershëm të këtij vendi, do të refuzojnë të bëhen pjesë e një teatri të shëmtuar, pavarësisht bindjeve politike!

Është i shëmtuar fakti që kushdo që do të votoj, do t’i zbulohet vota dhe anësia politike. Është i shëmtuar fakti që pjesa më e madhe e votuesve ndjehen të shantazhuar për të votuar duke i kërcënuar me vendin e punës. Është i shëmtuar fakti që zgjedhjet do të organizohen nga një parti shtet, ku numërimi dhe certifikimi do të kryhet me urdhër partie, në fiktivitet të plotë!

Unë refuzoj të vras demokracinë në 30 Qershor, sepse nuk e pranoj dot që një Shqipëri që ka sakrifikuar pafund për pluralizmin politik dhe ndarjen nga diktatura, t’i rikthehet sërish asaj pjese të errët të historisë!

E refuzoj 30 Qershorin, sepse besoj te vlerat europiane që nisin me respektin ndaj zgjedhjeve dhe votës së lirë kundrejt alternativave!

E refuzoj 30 Qershorin, sepse dua të jetoj në Shqipëri dhe jam e vendosur në kontributin tim si cdo qytetarë i thjeshtë i këtij vendi!

Sondazh

Article Logic
Execution time: 0.026247978210449
array(1) { ["section"]=> string(126) "anulloi-delegacionin-e-vezhgimit-per-zgjedhjet-ish-deputetja-keshilli-i-europes-e-tregoi-qarte-marrezine-e-30-qershorit-169834" }