Apeli i gazetares: Hapini rrugën këtyre njerëzve! Sa më shpejt…

Publikuar tek: fcb-bomb, më 11:07 13-12-2019 Apeli i gazetares: Hapini rrugën këtyre njerëzve! Sa më shpejt…

Nga Edlira Gjoni

A ka mundësi t'u hapim rrugën këtyre njerëzve? Sa më shpejt! Pa kthime prapa! Pa shumë dredha! Transparencë, informacion e plane nuk u jep kush, po rrugën, a ka mundësi të mos ua bëjmë ferr?

Nxirrni akt a ligj po të doni. Sonte, nëse duhet! Po mos ngrini mure! Perëndia rrëzo, e ju ço në qiell, me procedura absurde për rastet e veçanta (Gjendje emergjente dhe shtëpi fshati në formën ekzistuese. Jo ndërtim qejfi, por rindërtim i asaj që ia prishën forcat madhore jashtë fuqisë së tij)

Që ky kryefamiljar të fillojë punën për rindërtimin e shtëpisë së rrëzuar nga natyra, (në pronën e tij, në fshat, në kushte sfiduese për fizikun, gjendjen financiare, emocionale, shpirtërore, çnjerëzore në dimrin që erdhi e nuk ka mëshirë në baltën e kodrës), edhe nëse gjen fonde, edhe nëse merr borxh, edhe nëse shet shpirtin të ndërtojë aty ku ishte, në gurin e vet, i kërkohet kjo listë masakruese dokumentacioni për të sheshuar ç'ka ngelur e të nisë themelin e ri, po në sinorët e tij:

(Muri absurd i burokracisë mbi baltë)

1) Kërkesa për leje ndërtimi, sipas formularit të aplikimit, (ok)

2) Dokumente që vërtetojnë të drejtat pasurore të pronës/ave që marrin pjesë; (ok)

3) Zhvillim, përfshirë marrëveshjet midis pronarëve dhe zhvilluesit ose/dhe palëve të treta; (Seriozisht?????)

4) Plani i vendosjes së ndërtimit mbi fragmentin e hartës në gjendjen ekzistuese;
(Pse? E ka Njësia tashmë këtë dokument. Shtëpia do bëhet siç ishte. Aty ku ishte. Asgjë e re. Pse dokument i ri?)

5) Projekti i ndërtimit dhe relacioni përkatës; (Pse Fusha SHPK është kryefamiljari i këputur që i kërkoni këto? Apo do ndërtoje të Teatri ky? Shtëpinë e tij në tokën e tij do ndërtojë. Relacionet e LNM-të kërkojani tjetërkujt)

6) Grafiku paraprak i punimeve dhe afati i dorëzimit të objekteve, sipas fazave të zbatimit; (Po! Fillon në 26 Nëntor. Mbaron sa më parë. 1 Shkurt. 1 Mars. Nesër! Si mund ta ndihmosh ti?)

7) Preventivi; (Ha, pse? Se mos del më shumë nga 20 milionët që do u jepen në jetën tjetër?)

8) Deklarata e projektuesit të licencuar, sipas formatit të aplikimit, nëpërmjet së cilës konfirmohet përputhshmëria e projektit me lejen e zhvillimit, dokumentet e planifikimit e kontrollit të zhvillimit, në fuqi, përfshirë dispozitat antisizmike, të sigurisë, mbrojtjes nga zjarri dhe higjieno-sanitare;
(Edhe ketë kërkojani Fushës e Salillarit. Njeriun këtu lëreni të hapë themelet e të fusë kokën brenda)

9) Lejet, licencat, autorizimet apo aktet e miratimit, të nevojshme për ushtrimin e aktivitetit,
(Hiqeni ketë barrierë për fshatin)

10) Mandatpagesa/t e tarifës/tarifave të aplikimit; (Falini)

11) Kopje e policës së sigurimit të projektuesve, për mbulimin e përgjegjësive profesionale. (Paguajeni ju po keni, nga donacionet disa milionëshe që kanë ardhur në emër të këtyre)

12) Zbatuesi të dorëzojë një deklaratë noteriale, me të cilën të konfirmojë, se objekti është ndërtuar në përputhje me lejen e ndërtimit dhe projektin përkatës. (Ok. Edhe noteri ta bëjë falas, si kontribut)

Koha për marrjen e shërbimit është brenda 45 ditëve nga data e dorëzimit të aplikimit. Në Kushtet e Gjendjes së Emergjencës, për 5 ditë!

Deri tani, Bashkia Durrës përcjell çdo vajtje apo telefonatë dhe na jep këtë listë.

Po kjo gjendja e jashtëzakonshme, dimri, fakti që nuk u jepni as fonde, as informacion, as ndihmë, për çfarë hyjnë në punë?

Fillojeni nga më e thjeshta: Hiqni barrierat për fshatrat e dëmtuar. Tani! Kur u del koha të miratoni mbyllje gojësh, hesapesh e mediash, del e tepron koha edhe të rrezoni këto muret skandaloze të ngritura me sipër.

Hapini rrugën fshatit!

Sondazh

Article Logic
Execution time: 0.028679132461548
array(1) { ["section"]=> string(67) "apeli-i-gazetares-hapini-rrugen-ketyre-njerezve-sa-me-shpejt-189286" }