Arqipeshkvi George Frendo shërohet nga koronavirusi: Jam ndjerë afër Jezusit, dhe afër atyre që vuajnë nga e njëjta sëmundje

Publikuar tek: aktualitet, më 17:17 29-11-2020 Arqipeshkvi George Frendo shërohet nga koronavirusi: Jam ndjerë afër Jezusit, dhe afër atyre që vuajnë nga e njëjta sëmundje Arqipeshkvi George Frendo

Arqipeshkvi i Tiranës dhe Durrësit, Imzot George Frendo është shëruar nga koronavirusi pas 16 ditësh.

George Frendo u kurua për një kohë të gjatë në Spitalin “Shefqet Ndroqi” në Tiranë, të cilët i ka falenderuar sot teksa njofton se është shëruar. Arqipeshkvi Frendo u dërgua në Itali, pasi gjendja shëndetësore e tij u përkeqësua.

Fatmirësisht sot ai e fitoi bejetën me virusin, dhe njofton se Krishtlindja do ta gjejë në Shqipëri.

“Falenderoj Zotin se së shpejti do të jem përsëri me grigjen time. Larg grigjes jam ndjerë si kokë pa trup. Gëzohem se mund të vazhdoj të kremtoj kohën e Ardhjes, në përgatitje për Krishtlindjen, bashkë me popullin tim.

Kjo periudhë ka qenë për mua një eksperiencë e dhimbshme. Megjithatë jam ndjerë më afër Jezusit, i cili, nga dashuria e tij për ne, ka pranuar dhimbje për shelbimin tonë. Dhe jam ndjerë më afër atyre që, në këto ditë, po vuajnë nga e njejta sëmundje. Zoti ti forcoftë e ti sheroftë.

Falenderoj përzemersisht të gjithë ata që më kanë qenë pranë që në fillimin e kësaj sëmundjeje, veçanërisht bashkëpuntorët e mi më të ngushtë dhe gjithashtu falënderoj për shërbimin e parë që kam marrë nga strukturat e shërbimit Shëndetësor në vend, veçanërisht në Spitalin “Shefqet Ndroqi”.

Dëshiroj të falënderoj shumë nga ata që më kanë uruar shërim të shpejtë, ndër të cilët Presidenti i Republikes Z. Ilir Meta, Kryetarin e Kuvendit Z. Gramoz Ruci, Kryetarin e Bashkisë Z. Erjon Veliaj, Z. Lulezim Basha kryetarin e Partisë Demokratike, e shumë e shumë të tjerë!

Falenderoj të gjithë besimtarët që janë lutur për mua. Shpresoj të kremtoj meshën me popullin në Katedrale të dielen me 6 dhjetor.

Ju përshëndes përzemërsisht duke ju kujtuar të gjithëve gjithmonë në lutjen time.

+George Frendo, Arqipeshkvi i Tiranë Durrës!”, shprehet Frendo.

Sondazh

Më shumë në këtë kategori: « Aksident në aksin Lezhë-Milot, makina përplas për vdekje këmbësorin (EMRI)
Spanja dëbon 13 mijë të huaj në tre vitet e fundit, ja ku qëndrojnë shqiptarët në listë »
Article Logic
Execution time: 0.012555122375488
array(1) { ["section"]=> string(129) "arqipeshkvi-george-frendo-sherohet-nga-koronavirusi-jam-ndjere-afer-jezusit-dhe-afer-atyre-qe-vuajne-nga-e-njejta-semundje-229554" }