Arrestohet infermierja e Spitalit Infektiv në Tiranë, i vodhi paratë dhe kartën e bankës pacientit që vdiq nga Covid-19 (EMRI)

Publikuar tek: aktualitet, më 09:18 26-01-2021 Arrestohet infermierja e Spitalit Infektiv në Tiranë, i vodhi paratë dhe kartën e bankës pacientit që vdiq nga Covid-19 (EMRI)

Një infermiere e Spitalit Infektiv në Tiranë është arrestuar nga Policia e Tiranës, pasi i ka vjedhur paratë nga portofoli dhe kartën e bankës një pacienti me Covid-19, i cili fatkeqësisht ndërroi jetë.

Newsbomb.al mëson se bëhet fjalë për infermieren Roniada Hysa.

Sipas Policisë, ndalimi i kësaj shtetaseje u bë pasi në bazë të pamjeve filmike rezulton si autorja e vjedhjes së një shume parash në portofolin e shtetasit K. D., i cili ka qenë i shtruar në spitalin infektiv, ku ka ndërruar jetë nga COVID-19.

Njoftimi i Policisë:

Specialistët për Hetimin e Krimit në Komisariatin e Policisë Nr. 4, në bashkëpunim me Prokurorinë e Rrethit Gjyqësor Tiranë, kanë bërë të mundur identifikimin, lokalizimin dhe ndalimin e shtetases R. H., 30 vjeçe, banuese në Durrës.

Ndalimi i kësaj shtetaseje u bë pasi në bazë të pamjeve filmike rezulton si autorja e vjedhjes së një shume parash në portofolin e shtetasit K. D., i cili ka qenë i shtruar në spitalin infektiv, ku ka ndërruar jetë nga COVID-19.

Pas kallëzimit të bërë për këtë ngjarje, nga djali i të ndjerit, shtetasi F. D., 25 vjeç, i cili ka deklaruar se nga llogaria bankare e të atit ishte tërhequr shuma 60.000 lekë, specialistët për Hetimin e Krimit në Komisariatin e Policisë kanë organizuar punën për identifikimin e autorit.

Në bazë të provave filmike ka rezultuar se edhe shuma e parave është tërhequr nga shtetasja R. H., infermiere në spitalin infektiv, e cila ka pranuar autorësinë e ngjarjes, që është bërë mediatike edhe nga emisioni investigativ “STOP”.

Materialet procedurale do të referohen në Prokurorinë e Rrethit Gjygjësor Tiranë, për veprime hetimore të metejshme, për veprat "Vjedhja" dhe "Vjedhja duke shpërdoruar detyrën”.

Sondazh

Më shumë në këtë kategori: « Gjykata Kushtetuse mban sot seancën e parë, pas tre vitesh (ÇËSHTJET QË PRESIN ZGJIDHJE)
Përmbytje dhe rrëshqitje dherash, ARRSH jep informacion për gjendjen në akset kombëtare »
Article Logic
Execution time: 0.011214971542358
array(1) { ["section"]=> string(130) "arrestohet-infermierja-e-spitalit-infektiv-ne-tirane-i-vodhi-parate-dhe-karten-e-bankes-pacientit-qe-vdiq-nga-covid-19-emri-236423" }