Artan Fuga i bashkohet pedagogëve: Unë sot jam në grevë

Publikuar tek: aktualitet, më 10:52 21-01-2019 Artan Fuga i bashkohet pedagogëve: Unë sot jam në grevë Nga protesta te Filologjiku

Nga Artan Fuga

 

Unë sot jam në grevë

si antar i thjeshtë, i barabartë, përtej ndarjeve departamentale, i asamblesë të fakultetit histori - filologji të Universitetit të Tiranës.

Sepse unë refuzoj të bëj mësim në një universitet që kthehet në një rregjim kazerme.

Sepse vkm e fundit janë krejtësisht në kundërshtim me frymën demokratike të një universiteti të lirë!

Sepse unë jam për një model të ri universitar shqiptar, por jo që kriza e protestave studentore të hidhet mbi demokracinë universitare.

Unë e njoh nga historia sesa sa e rrezikshme është kur pushteti bën sikur merr anën e të dobtëve dhe si zgjidhje propozon cënimin e lirisë!

As feja, as shkenca, as arti, as dija, nuk bëhet në kushte detyrimi!

Prej shekujsh Martin Luteri e ka zbuluar këtë edhe për shqiptarët !

Sot në oborrin e fakultetit histori - filologji luhet fati i intelektualizmit shqiptar për të paktën dekadat e ardhëshme.

Unë njoh të gjitha të metat dhe veset e botës universitare, një pjesë e të cilave janë të rënda, edhe për përgjegjësi të politikave të ndjekura në këto dekada. Por, unë më mirë pranoj veset e lirisë sesa "virtytet" e një diktature që prej kohësh vërtitet mbi mendjet e shqiptarëve dhe botën intelektuale shqiptare.

Vetëm bashkëpunimi forcë publike, studentë, shoqëri, pedagogë, mund t'a shpëtojë arsimin e lartë shqiptar!

Politika t'a kuptojë se nuk merr vesh fare nga administrimi i dijes dhe i shkencës, prandaj prodhon norma juridike që janë edhe më të dëmshme sesa vetë ligji i keq i arsimit të lartë!

Nuk ka kuptim që fillimisht na imponohen vkm autoritare dhe pastaj na thuhet hajde diskutojmë për paktin e universitetit!!!

Pedagogët dhe studentët nuk janë debila!

Mos i humbisni ditët dhe orët pedagogëve dhe studentëve që duhen harxhuar për dijen dhe shkencën!

Unë sot jam në grevë!

Sondazh

Më shumë në këtë kategori: « LETËR E HAPUR/ Ata që nuk e duan ndryshimin, le të jetojnë në agoni, varur në litarin e padijes...
'Paketën Fiskale 2019', ja ndryshimet kryesore të ligjit për tatimin mbi të ardhurat »
Article Logic
Execution time: 0.012413024902344
array(1) { ["section"]=> string(61) "artan-fuga-i-bashkohet-pedagogeve-une-sot-jam-ne-greve-149650" }