Asambleja e 88 e INTERPOL, Ardi Veliu takime me homologët në Kili: Mbështetje të plotë për policinë shqiptare

Publikuar tek: aktualitet, më 17:38 17-10-2019 Asambleja e 88 e INTERPOL, Ardi Veliu takime me homologët në Kili: Mbështetje të plotë për policinë shqiptare Delegacioni i Policisë së Shtetit në Asamblenë e Interpol në Kili

Drejtori i Përgjithshëm i Policisë së Shtetit Ardi Veliu mori pjesë në Asamblenë e 88-të të Përgjithshme të Interpolit.

Nga data 15 deri në 18 tetor në Santiago të Kilit po zhvillohet Asambleja e 88 e Pergjithshme e Interpolit, në të cilën po merr pjese një delegacion i Policisë Shqiptare, i kryesuar nga Drejtori i Pergjithshem i Policisë së Shtetit, Drejtues Madhor Ardi Veliu.

Veliu, gjatë Asamblesë zhvilloi një sërë takimesh të rëndësishme, në interest të forcimit të bashkëpunimit të Policisë së Shtetit me partnerët dhe agjencitë ligjzbatuese ndërkombëtare.

Drejtori i Përgjithshëm i Policisë së Shtetit Ardi Veliu zhvilloi një takim të veçantë me Sekretarin e Përgjithshem të Interpolit Jurgen Stock, i cili u rizgjodh gjatë kësaj asambleje për një tjetër mandat 5 vjeçar.

Stock gjatë takimit me Veliun deklaroi se ishte në dijeni mbi punën e mirë të Policisë Shqiptare dhe vlerësoi përpjekjet e bëra nga ana e Drejtor Veliut dhe rezultatet e arritura nga ana e  Policisë së Shtetit në luftën kundër krimit në përgjithesi dhe atij të organizuar në veçanti.

Stock u shpreh se Policia e Shtetit ka mbështetjen e plotë të organizatës së Interpolit në këtë luftë. Në kuadër të bashkëpunimit shumë të mirë midis Policisë shqiptare dhe Interpol, si dhe rritjes së përkrahjes që Interpol dëshiron të japë për Policinë shqiptare, Stock shprehu dëshirën të vizitojë Shqipërinë në fillim të vitit tjeter.

Gjatë pjesëmarrjes në këtë asamble delegacioni shqiptar pati takime me shumë delegacione, ndër të cilat me Zv. Drejtorin e Përgjithshëm të Policisë Italiane, njëkohësisht edhe Drejtor i Policisë Kriminale, Drejtoreshën e Përgjithshme të Policisë Sllovene, Drejtorin e Përgjithshëm të Policisë Çeke, Drejtorin e Përgjithshëm të Policisë së Maqedonisë së Veriut dhe Zv.Ministrin e Brendshëm të Turqisë.

Në të gjitha takimet është vlerësuar bashkëpunimi dhe besueshmëria që tashmë Policia e Shtetit gëzon tek partnerët dhe kjo konfirmohet me operacionet e shumta të zhvilluara kohët e fundit me partnerët, për luftën kundër krimit të organizuar dhe terrorizmit.

Drejtor Veliu edhe njëherë ka shprehur gayishmërinë dhe seriozitetin e Policisë së Shtetit për të luftuar krimin e organizuar dhe terrorizmin dhe shprehu bindjen e palëkundur se vetëm duke bashkëpunuar  mund të arrijmë rezultatet e dëshiruara në të mirë të vendeve tona.

Sondazh

Article Logic
Execution time: 0.019391059875488
array(1) { ["section"]=> string(114) "asambleja-e-88-e-interpol-ardi-veliu-takime-me-homologet-ne-kili-mbeshtetje-te-plote-per-policine-shqiptare-182477" }