Balla ngre sërish dyshimet e një skenari rus: S’janë të rastësishme protestat në Ballkanin Perëndimor, nga financohet opozita

Publikuar tek: politike, më 16:33 16-04-2019 Balla ngre sërish dyshimet e një skenari rus: S’janë të rastësishme protestat në Ballkanin Perëndimor, nga financohet opozita

Kreu i Grupit Parlamentar të PS-së Taulant Balla ka marrë pjesë ditën e sotme në një seancë pune pyetje-përgjigje në Komisionn e Politikës së Jashtme të Dhomës së Deputetëve dhe të Senatit Italian.

Me anë të një postimi në Facebook, Balla tregon se ndau me politikanët e shtetit fqinj situatën shqetësuese të krizës politike në Shqipëri, ndërkohë që ngre sërish dyshimet e një skenari rus në Ballkan.

Sipas Ballës, nuk janë aspak të rastësishme protestat në të njëjtën ditë dhe orë, në disa vende të Ballkanit Perëndimor.

Postimi i plotë i Ballës:

Morëm pjesë në një seancë pune pyetje-përgjigje në Komisionn e Politikës së Jashtme të Dhomës së Deputetëve dhe të Senatit italian.

Duhet thënë që në fillim se të gjitha grupet politike në Parlamentin italian mbështesin fillimin e bisedimeve për anëtarësim me BE dhe Shqipërisë.

Natyrisht si miq të Shqipërisë deputetët italianë shprehën shqetësim për pamjet e protestave të dhunshme të opozitës që qarkullojnë në median italiane këto javë, shpeshherë edhe të sponsorizuara nga opozita shqiptare, që rrezikojnë të frenojnë turistët dhe investitorët italianë.

Në përgjigje theksova se e vetmja arësye që ne mund të japim për këto akte dhune të inspiruara nga lidershipi i opozitës, është frika më e madhe e opozitës nga zbatimi i reformës në drejtësi dhe vetingut, pasi drejtësia e re e pavarur që po krijohet nuk do të pyesë se kush je, apo çfarë pozicioni politik ke.

Lidhur me aktet e dhunës, Policia e Shtetit, me vendosmëri po vazhdon hetimet, për të zbardhur deri në fund të gjithë ngjarjet e fundit të dhunshme dhe individët fajtorë të përfshirë.

Aspak nuk janë të rastësishme protesta në të njëjtën ditë dhe orë, në disa vende të Ballkanit Perëndimor, sikurse dyshimet për financime të dyshimta me të partive të ndryshme politike në këto vende.

Por për ne ka vetëm një plan A, s’ka plan B: vetëm integrimi në Bashkimin Europian, që ka mbështetjen e 95% të shqiptarëve dhe se në këtë aspiratë tonën historike, mbështetja e Italisë është e pazëvendësueshme.

Qëndrimi i SHBA dhe i BE është i qartë: sjellja e opozitës është demokratikisht e papërgjegjshme, si dhe institucionalisht e ndërkombëtarisht e papranueshme. Opozita duhet të marrë pjesë në zgjedhjet lokale për shkak të përgjegjësisë së saj ndaj elektoratit, por nëse eventualisht vendosë të mos marrë pjesë, bojkoti i saj nuk dëmton cilësinë e zgjedhjeve.

Për SHBA-të, ashtu si edhe për Europën, thellimi i kursit të reformave që afrojnë vendin tonë më pranë BE-së është shumë më e rëndësishme se rruga e bojkotit e zgjedhur nga opozita.

57238943_2186453821400207_152566017267073024_n.jpg

57052217_2186453831400206_5180070587241857024_n.jpg

57099032_2186453921400197_3936955976304820224_n.jpg

Sondazh

Article Logic
Execution time: 0.025860071182251
array(1) { ["section"]=> string(130) "balla-ngre-serish-dyshimet-e-nje-skenari-rus-s-jane-te-rastesishme-protestat-ne-ballkanin-perendimor-nga-financohet-opozita-160669" }