Banka Botërore financon me 32 mln euro shëndetësinë shqiptare

Publikuar tek: aktualitet, më 21:23 28-02-2015 Banka Botërore financon me 32 mln euro shëndetësinë shqiptare

Banka Botërore ka vendosur t’i vijë në ndihmë sistemit shëndetësor shqiptar, i cili vuan nga probleme të shumta.

Bordi i Drejtorëve Ekzekutivë të BB miratoi sot një financim nga Banka Ndërkombëtare për Rindërtim dhe Zhvillim (IBRD) prej 32.1 milionë Euro për Projektin e Përmirësimit të Sistemit Shëndetësor në Shqipëri. Kostoja totale e projektit është36.1 milionë Euro dhe pjesa tjetër bashkë-financohet nga Qeveria shqiptare.

BB ka vlerësuar se cilësia e kujdesit përbën një shqetësim domethënës për këtë sektor, si dhe mungesa e efikasitetit dhe pabarazitë.

“Reformat e sektorit shëndetësor janë komplekse dhe ende ka shumë punë për t’u bërë. Qeveria ka treguar angazhim të madh për të ndërmarrë reforma në disa fusha kyçe duke përfshirë këtu përmirësimin e sistemeve të financimit të shëndetësisë dhe shërbimeve spitalore, reformën në sektorin farmaceutik dhe zgjerimin e mbulimit nga sigurimet shëndetësore.Projekti i ri do të mbështesëreformatnë sektorin shëndetësor duke synuar përmirësimin e aksesit dhe të efikasitetit në shërbimet e kujdesit shëndetësor”, tha Tahseen Sayed, Drejtore e Bankës Botërore për Shqipërinë.

Aktivitetet e projektit do të mbështesin reformimin e sektorit spitalor, përmirësimin e monitorimit dhe menaxhimit të cilësisë dhe efikasitetit të shërbimit përmes krijimit të një sistemit të menaxhimit të informacionit shëndetësor dhe reformimit të sistemit të financimit duke përfshirë këtu vlerësimin e alternativave për të zgjeruar mbulimin nga sigurimet brenda hapësirës ekzistuese fiskale.

Sondazh

Më shumë në këtë kategori: « Kjo është anija më e madhe e ankoruar në historinë e portit të Durrësit
Burrel, grabitet me armë një pikë karburanti »
Article Logic
Execution time: 0.012425899505615
array(1) { ["section"]=> string(66) "banka-boterore-financon-me-32-mln-euro-shendetesine-shqiptare-4669" }